00:08, 29 - قىركۇيەك 2014 | GMT +5
كۇرد بوسقىندارى تۇرىك پوليتسياسىمەن قاقتىعىستى
استانا. قازاقپارات - تۇركيانىڭ سيريامەن شەكارالاس دجيزرە قالاسىندا كۇردتەر پوليتسيامەن قاقتىعىستى.
ەرەۋىلشىلەر وتتى شولمەكتەر لاقتىرسا، ءتارتىپ ساقشىلارى ولاردى تاراتۋ ءۇشىن سۋ شاشىپ، كوزدەن جاس اعىزاتىن گازبەن اتقىلاعان.
شەرۋشىلەر «يسلام مەملەكەتى» لاڭكەستىك ۇيىمى سودىرلارىنىڭ سوڭعى اپتادا سيريانىڭ كاباني قالاسىندا سالعان سويقانىنا قارسىلىق رەتىندە كوشەگە ەرەۋىلدەپ شىققان.
ءبىراق اشىنعان كۇردتەردىڭ نارازىلىق شاراسىنىڭ سوڭى تارتىپسىزدىككە ۇلاستى. ال وتكەن اپتادا تۇركيا اۋماعىنا 150 مىڭداي سيريالىق بوسقىن اۋىپ كەلگەن بولاتىن.
24.kz
