مۇحتار شاحانوۆتىڭ وزىنەن، ءشامشى قالداياقوۆتىڭ رۋحىنان كەشىرىم سۇرادى

استانا. قازاقپارات - "قازاقستان" ۇلتتىق تەلەارناسىنىڭ " ايتۋعا وڭاي..." باعدارلاماسىنىڭ كەزەكتى سانى قازىرگى كۇنى ادەبي-مادەني ورتادا ۇلكەن داۋ تۋىنداتقان "اقسۋدان ۇشقان اققۋىم" (ءانى - ءشامشى قالداياقتوۆتىكى، ءسوزى - مۇحتار شاحانوۆتىكى) انىنە ارنالدى.

باعدارلاما بارىسىندا بۇل ءاننىڭ ءسوزى مەن ءانىنىڭ اۆتورلارى تۋرالى ناقتى دەرەكتەر مەن ايعاقتار ورتاعا سالىندى.

كۋاگەرلەرگە ءسوز بەرىلدى. ونەر تانۋشى-عالىمدار، ءان تاريحىن زەرتتەۋشىلەر سويلەدى.

سونىمەن، "اقسۋدان ۇشقان اققۋىمنىڭ" ءانى مەن ءسوزى اقىن قۇداش مۇقاشيەۆتىكى دەگەن تاراپ (جازۋشى شاكەن كۇمىسبايەۆ، جازۋشى اراسانباي ەستەنوۆ، ق. مۇقاشيەۆتىڭ تۋىس-تۋعاندارى، جەرلەستەرى جانە ت. ب.) وزدەرىنەن قاتەلىك كەتكەنىن مويىنداپ، ءاننىڭ اۆتورى - ش. قالداياقوۆ، ءسوزىنىڭ اۆتورى - م. شاحانوۆ ەكەنىنە كوزى جەتىپ، ءشامشى قالداياقوۆتىڭ رۋحىنان، مۇحتار شاحانوۆتىڭ وزىنەن كەشىرىم سۇرادى.

"بىز ءۇشىن بۇل ۇلكەن ساباق، ساباق بولعاندا دا اشى ساباق بولدى" دەدى ا. ەستەنوۆ.