03:03, 29 - قىركۇيەك 2014 | GMT +5
مادريدتىڭ ابىرويىن اسىرعانى ءۇشىن قالا بيلىگى شۆارتسەنەگگەردى ارنايى ماراپاتتادى
استانا. قازاقپارات - كاليفورنيا شتاتىنىڭ ەكس-گۋبەرناتورى ارنولد شۆارتسەنەگگەر مادريد قالاسىنىڭ يميدجىن كوتەرگەنى ءۇشىن ارنايى سىيلىقپەن ماراپاتتالدى، دەپ جازادى روسبالت.
«مادريد - مەجە نۇكتەسى» دەپ اتالاتىن مەدال ارقىلى قالا باسشىلىعى تانىمال ادامداردىڭ يسپانيا استاناسىندا ءىس-شارالار ۇيىمداستىرۋىنا قولداۋ ءبىلدىرىپ، سول ارقىلى مادەنيەت، كاسىپكەرلىك، ويىن-ساۋىق سالاسىنا سەرپىن بەرمەك.
ارنولد شۆارتسەنەگگەر بوديبيلدينگ جانە وزگە دە سايىس تۇرلەرىنەن «Arnold Classic Europe» جارىستارىن مادريدتە ۇيىمداستىرعانى ءۇشىن اتالعان ماراپتقا بولەنىپ وتىر.
