بيلەۋگە ۇيالاتىندار ءۇشىن
ارينە، بارلىعى دا قاي ىرعاققا قالاي بيلەۋ كەرەكتىگىن بىلە بەرمەيدى. كوپ جاعدايدا «اينالامداعىلارعا كۇلكىلى بولىپ كورىنەمىن بە؟» دەگەن قورقىنىش بولادى. ولاي بولسا، بۇل جايسىزدىق سەزىمىنەن قالاي ارىلۋعا بولاتىنىن تالداپ كورەيىك.
1-قادام: ەگەر ءبي ونەرىن ساپالى دەڭگەيدە مەڭگەرگىڭىز كەلسە، سىزگە ارنايى كۋرستارعا جازىلۋ كەرەك. قازىرگى تاڭدا مۇنداي كۋرستار تەك بالالارعا عانا ەمەس، ەرەسەكتەرگە دە ارنالادى. وسىلايشا سەنىمدى قوزعالىپ ۇيرەنۋگە بولادى.
2-قادام: ءبىراق ءوزىمىز باراتىن توي-جيىنداردا پروفەسسيونالدىق دەڭگەيدە بيلەۋدىڭ قاجەتتىلىگى بولمايدى. بار بولعانى دەنەڭىزدىڭ ءار بولىگىن سەزىنە ءبىلۋ كەرەك. ال ونى مەڭگەرۋ ءۇشىن فيتنەس كلۋبقا بارساڭىز جەتكىلىكتى. اسىرەسە ستەپ، گيمناستيكا جانە كولونەتيكا سىندى فيتنەس كلۋبتاردىڭ ماڭىزى زور.
3-قادام: بارلىعىمەن بىردەي قوزعالۋعا تىرىسىڭىز. اينالاڭىزعا زەر سالىپ قاراساڭىز، وزگەلەردىڭ اياق الماستىرىپ بيلەيتىندىگىن بايقايسىز. ياعني ءبىرىن جەرگە تيگىزگەندە، ەكىنشىسىن جەردەن ءسال كوتەرەدى. مۇنىمەن قاتار قولدى قانداي جاعداي بولماسىن قاتتى سەرمەمەگەن دۇرىس.
4-قادام: مۇنداي جاعدايدا باياۋ بيلەردىڭ كومەگى زور. بار بولعانى سەرىگىمىزدىڭ اياعىن باسپاۋعا تىرىسۋىمىز كەرەك. ەڭ باستىسى پراكتيكا بولعاندىقتان، بوس ۋاقىتىڭىزدا دا بيلەڭىز.
دايىنداعان: قارلىعا بۇيەنباي
