ەرتە جاستان سىرا ءىشىپ كورگەن ادامنىڭ ءومىرى اراققا تاۋەلدىلىككە اينالادى - عالىمدار زەرتتەۋى

استانا. قازاقپارات - عالىمداردىڭ زەرتتەۋى بويىنشا، 14 جاسىندا سىرا نەمەسە قىزىل شاراپتى ءىشىپ كورگەن ادام جاسىنا جەتپەي سوعان تاۋەلدى بولىپ، ماسكۇنەمدىك اۋرۋىنا شالدىعادى، دەپ جازادى The Daily Mail.

اقپارات كوزىنىڭ جازۋىنشا، عىلىمي زەرتتەۋدىڭ قورىتىندىسى دا وسى تۇيىنگە تىرەلگەن: ياعني، ماسكۇنەمدىككە شالدىعۋ ادامنىڭ ىشىمدىككە اۋەس بولعان العاشقى كەزەڭىنە دە بايلانىستى. سوندىقتان وعان ءتىپتى، اۋەس بولماۋ كەرەك، دەيدى عالىمدار.

ماماندار 295 جاس ءوسپىرىمدى ارنايى سىناق مەرزىمىنە الىپ، باقىلاعان. ولاردىڭ بارلىعى 16 جاسقا دەيىن اراق-شاراپتىڭ ءدامىن تاتىپ كورگەن. سىناق مەرزىمىندە جاستاردىڭ ىشىمدىككە تاۋەلدىلىگى ادام شوشىتاتىرلىق ناتيجە كورسەتكەن. كەيبىرى جاسىنا جەتپەي سالىنىپ ىشۋگە بەيىم بولعان. «ەگەر ادام ەرتە جاستان اراقپەن اۋىزدانسا، ول جاسىنا جەتپەي ماسكۇنەم بولادى»، دەلىنگەن ماقالادا.

زەرتتەۋ قورىتىندىسىنا سۇيەنسەك، اراقپەن «ءومىرىن باستاعان» ادامنىڭ تاعدىرى ايانىشتى اياقتالادى.