استانادا «وكپەك جولاۋشى» سپەكتاكلىنىڭ پرەمەراسى ءۇش تىلدە ءوتىپ جاتىر

استانا. قازاقپارات - 26 -28- قىركۇيەكتە حالىقارالىق تىلدەر فەستيۆالى اياسىندا ەلوردا تۇرعىندارى مەن قوناقتارىنىڭ نازارىنا دۋلات يسابەكوۆتىڭ «وكپەك جولاۋشى» سپەكتاكلى ءۇش تىلدە ۇسىنىلاتىن بولادى.

پرەمەرا جاڭا وقۋشىلار سارايىندا وتەدى. بۇل تۋرالى astana.kz سايتىنا «بايتەرەك» حالىقارالىق مەديا ورتالىعىنان حابارلادى.

كەشە كورەرمەندەر سپەكتاكلدى اعىلشىن تىلىندە تاماشالاسا، بۇگىن ساعات 18:30 «وكپەك جولاۋشى» سانكت-پەتەربۋرگ تەاترى ترۋپپاسىنىڭ ورىنداۋىندا ورىس تىلىندە قويىلادى. ەرتەڭ، 28- قىركۇيەكتە پەسانىڭ ءتۇپنۇسقاسى قازاق تىلىندە كورەرمەندەرگە جول تارتادى.

وسىلايشا، ەلوردالىقتار قازاق يدەياسى مەن شىعارماسىنىڭ ورىس جانە اعىلشىن تىلدەرىندەگى ينتەرپرەتاتسياسىمەن تانىسادى. شارا قازاقستانداعى كوپتىلدىك ساياساتتى قولداۋعا باعىتتالعان جانە ەلىمىزدىڭ وسكەلەڭ ۇرپاعىنىڭ بويىندا ءتۇرلى حالىقتار مەن ولاردىڭ مادەنيەتىنە دەگەن قۇرمەت پەن توزىمدىلىكتى تاربيەلەۋگە ىقپال ەتەدى.