17:16, 27 - قىركۇيەك 2014 | GMT +5
ازيا ويىندارىندا ۇرلىق جاساپ، ۇلتتىق قۇرامادان قۋىلدى
استانا. قازاقپارات - جۇزۋدەن 2010-جىلعى الەم چەمپيونى جاپوندىق ناويا توميتا ازيا ويىندارىندا ۆيدەوكامەرا ۇرلاعانى ءۇشىن ۇلتتىق كوماندانىڭ قۇرامىنان شىعارىلدى. بۇل تۋرالى جەرگىلىكتى ب ا ق حابارلادى.
بۇل وقيعا بەيسەنبى كۇنى بولدى. توميتانىڭ وڭتۇستىك كورەيالىق جۋرناليستەن ۆيدەواپپاراتتى ۇرلاپ جاتقاندا باقىلاۋ كامەرالارىنىڭ بىرىنە ءتۇسىپ قالعان. جاقىن ارادا سپورتشىعا ايىپ تاعىلادى.
«مەن ءبىزدىڭ باسىمىزدا وتكەن وسىعان ۇقساس جاعدايدى ەسىمە تۇسىرە الماي وتىرمىن. ادام وزىنە يە بولۋ كەرەك قوي. دەلەگاتسيانىڭ اتىنان كەشىرىم سۇرايمىن»، دەدى جاپون دەلەگاتسياسىنىڭ باسشىسى تسۋيوشي اوكي.
200 مەترگە براسسپەن جۇزۋگە ماشىقتانعان سپورتشى وڭتۇستىك كورەيانىڭ ينچحون قالاسىندا ءوتىپ جاتقان ازيا ويىندارىندا جۇلدەدەن قاعىلدى.
