گولوۆكين كوپ ۇزاماي، سۋپەر جۇلدىزعا اينالادى - فرەددي روۋچ
«قازىر بۇكىل الەم گولوۆكيننىڭ ءاربىر ارەكەتىن قالت جىبەرمەي باقىلاپ وتىر. دەگەنمەن، ونىڭ بۇگىنگى دارداي اتىنا جاراسا جانكۇيەرلەرى كوپ دەپ ايتا المايمىن. وسى تۇرعىدان العاندا، گولوۆكيننىڭ پروموۋتەرلىك كلۋبى سپورتشىنى جارنامالاۋدى ەرتە باستاۋى كەرەك ەدى. گەنناديدىڭ بوكستاعى قابىلەتىن بىلاي قويعاندا، ونىڭ ادامگەرشىلىگىنىڭ ءوزى ءبىر توبە. ونىمەن ءبىر-ەكى رەت قانا كەزدەستىم، سونىڭ وزىندە مەندە وعان دەگەن جاقسى پىكىر قالىپتاستى. مەن ونىڭ سۋپەر جۇلدىز بولاتىنىنا سەنىمىم مول، ول ءۇشىن ءجيى تەلەارنالارعا شىعىپ تۇرۋى كەرەك»، - دەيدى ف. روۋچ.
ەستەرىڭىزگە سالامىز، گەننادي گولوۆكين WBA جانە IBO تۇجىرىمدارىندا ورتا سالماقتاعى الەم چەمپيونى. بيىلعى جىلدىڭ 18- قازانىندا وتانداسىمىز ءوزىنىڭ چەمپيوندىق اتاعىن كەزەكتى رەت قورعايدى. ونىڭ كەلەسى قارسىلاسى مەكسيكالىق بوكسشى ماركو انتونيو رۋبيو.
BNews.kz
