الماس وتەشوۆتى جانكۇيەرلەرى كۇتىپ الدى - فوتو
الەمنىڭ جانە ازيا ويىندارىنىڭ كۇمىس جۇلدەگەرىن استانا اۋەجايىنان جانكۇيەرلەرى قارسى الىپ، «باتىرعا» لايىقتى قۇرمەت جاسادى. ال، وتەشوۆتىڭ ءوزى بولسا كەلەسى وليمپيادا ويىندارىندا قازاقستان قورجىنىنا مىندەتتى تۇردە التىن مەدال سالۋعا ۋادە بەرىپ وتىر.
«شىنىمدى ايتايىن، ازيا ويىندارىنىڭ تۇعىرىنا كوتەرىلگەن كەزىمدە كوڭىل-كۇيىم بولعان جوق. ويتكەنى، مەن ينچحونعا تەك التىن جۇلدە ءۇشىن بارعان ەدىم. سوڭعى ساتتە جولىم بولمادى. ەندى مويىماي كەلەسى جارىسقا دايىندالامىن. الدىمىزدا ريو-دە-جانەيرو قالاسىنداعى وليمپيادا ويىندارى بار. سول جارىستان مىندەتتى تۇردە ەلگە چەمپيون بولىپ ورالامىن» دەدى ول تىلشىلەرگە بەرگەن سۇحباتىندا.
ايتا كەتەيىك، ينچحوندا 94 كەلى سالماقتا سىنعا تۇسكەن قازاقستاندىق الماس وتەشوۆ جۇلقا كوتەرۋدە 175 كەلى سالماق كوتەرىپ، سايىستىڭ بۇل تۇرىنەن 1- ورىن العان ەدى. ال، سەرپە كوتەرۋدە 218 كەلىنى باعىندىرىپ، قىتايلىق سپورتشىدان نەبارى 1 كەلىگە ۇتىلىپ قالدى.
فوتو: مەيرامبەك ەرباتىروۆ
Baq.kz
