شىمكەنتتە پوليتسيا قىزمەتكەرىنىڭ كولىگىنەن كالاشنيكوۆ اۆتوماتى مەن وقتار ۇرلانعان

شىمكەنت. قازاقپارات - شىمكەنتتە پوليتسيا قىزمەتكەرىنىڭ كولىگىنەن كالاشنيكوۆ اۆتوماتى مەن وقتار ۇرلاندى.

اباي اۋداندىق پروكۋراتۋراسىنان حابارلاعانداي، وقيعا 24- قىركۇيەكتە تۇسكى ۋاقىتتا ورىن العان.

«قاسكويلەر كولىكتەن كالاشنيكوۆ اۆتوماتى مەن 30 وقتى قولدى ەتكەن. بۇل كەزدە ءتارتىپ ساقشىسى تۇسكى اسىن ءىشىپ وتىرعان»، - دەدى اباي اۋداندىق پروكۋرورىنىڭ ورىنباسارى ەرمەك ايتىموۆ.

تابەلدىك قارۋ قىزمەتكەر ءمىنىپ كەلگەن جيپتەن ۇرلانعان. ول جولداسىمەن بىرگە كولىكتى ءدامحانانىڭ ماڭىنا قويعان، شىققان سوڭ قارۋدىڭ جوعالعانىن اڭعارعان.

اتالعان فاكتى بويىنشا ق ر ق ك 255-بابىنىڭ 1-تارماعىنا («قارۋ ۇرلاۋ») سايكەس قىلمىستىق ءىس قوزعالدى. سونىمەن قاتار ءتارتىپ ساقشىسىنا قاتىستى ق ر ق ك 316-بابى («سالاقتىق») بويىنشا قىلمىستىق ءىس قوزعالدى. 26 جاستاعى سەرجانت قىزمەتىنەن بوساتىلدى.