قىتايلىق كاسىپكەر مەيرامحاناعا كەلۋشىلەر سانىن كوبەيتۋ ءۇشىن تاعامعا ەسىرتكى قوسىپ كەلگەن

استانا. قازاقپارات - قىتايداعى كەسپە مەيرامحاناسىنىڭ يەسى كەلۋشىلەر قاراسىن كوبەيتۋ ماقساتىندا تاماققا ەسىرتكى قوسىپ وتىرعان.

مەيرامحانا يەسى چجان قىلمىسىن مويىنداپ، الدىمەن ءبىر كليەنتكە «تاجىريبە» جاساپ كورگەنىن ايتتى. چجاننىڭ مەيرماحاناسىنان تاماقتانعان بۇل ادام بۇل جەرگە كۇندەلىكتى كەلىپ اس ىشەتىن بولعان. وسىدان كەيىن چجان ءار كەلۋشىنىڭ تاماعىنا ەسىرتكى قوسىپ وتىرعان.

ونىڭ بۇل ءىسى مەيرماحانا كليەنتى جول ءجۇرۋ ەرەجەسىن بۇزىپ، پوليتسياعا تۇسكەن كەزدە اشكەرە بولدى. 26 جاستاعى ليۋ دجوۋدى پوليتسيا ەسىرتكى قولدانادى دەپ ايىپتادى، ال دجوۋ بولسا بۇنداي زاتقا ەشقاشان جولاماعانىن، مەيرامحانادان تۇسكى اس ءىشىپ كەلە جاتقانىن ايتىپ اقتالدى. مەيرامحاناعا كەلگەن پوليتسيا قىزمەتكەرلەرى ونداعى كەلۋشىلەردىڭ تاعامدارىنا ەسىرتكى قوسىلعانىن انىقتادى. ال مەيرامحانا يەسى بولسا بۇنداي قادامعا تاعامى ءدامدى بولۋ ءۇشىن جانە ءوز بيزنەسىن جاقسارتۋ ماقساتىمەن بارعانىن ايتىپ، اقتالدى، دەپ جازادى شەتەلدىك ب ا ق.