20:36, 26 - قىركۇيەك 2014 | GMT +5
رەسەيدە دوللار باعامى تاريحتا بولماعان دەڭگەيگە جەتتى
استانا. قازاقپارات - ماسكەۋ بيرجاسىنداعى ساۋدا- ساتتىقتا دوللاردىڭ رۋبلگە شاققانداعى باعامى رەكوردتىق دەڭگەيگە جەتتى - 39 رۋبل، دەپ حابارلايدى BNews.kz BBC اگەنتتىگىنە سىلتەمە جاساپ.
دوللار رەسەيدە 38 رۋبل 96 تيىننان ساۋدالانۋدا، ەۋرو دا 55 تيىنعا قىمباتتاپ، ءبىر ەۋرو باعامى 49,65 رۋبلدى قۇرادى.
بيۆاليۋتالىق سەبەت 43,77 رۋبلگە ءوستى.
بيۆاليۋتالى سەبەت قۇنى 44,4 رۋبلدەن اسقان جاعدايدا ورتالىق بانك ليميتسىز ۆاليۋتا ينتەرۆەنسياسىن باستاپ، ءرۋبلدى نىعايتۋ شارالارىن قولعا الاتىن بولادى.
ەستەرىڭىزگە سالا كەتەيىك، ق ر ۇلتتىق بانكى 2014 - جىلعى 26 - قىركۇيەكتەگى تەڭگەنىڭ دوللارعا شاققانداعى باعامىن 181.88 تەڭگە كولەمىندە بەلگىلەدى.
