جاڭا جولاۋشىلار كەمەسى ورالدان اتىراۋعا بەت الدى
بۇل - سوڭعى وتىز جىلدا جاسالىپ تۇرعان ءبىرىنشى كەمە.
«كەمە جوندەۋ زاۋىتى» ج ش س ديرەكتورى ۆلاديمير سازونوۆتىڭ سوزىنە قاراعاندا، كاسىپورىن 1925 - جىلدان بەرى جۇمىس جاسايدى.
قيىن كەزدەر ارتتا قالىپ، سوڭعى كەزدە ءىرى تاپسىرىستار تۇسە باستادى. كۇنى بۇگىن 35 ادام ەڭبەك ەتەدى. اتالمىش كەمە جوباسىن كاسىپورىن ينجەنەرلەرى جاسادى. اتىراۋ وبلىسى اكىمدىگىنىڭ تاپسىرىسىمەن كەمە بيىلعى قاڭتاردا قۇراستىرىلا باستادى.
كەمە وزەنمەن ساياحات جاساۋعا ارنالعان. 32 توننالىق كەمەنىڭ ۇزىندىعى - 25 مەتر، ەنى - 5,25 مەتر، قۋاتى - 250 اتتىڭ كۇشىنە تەڭ. جايىق وزەنىمەن جۇزۋگە لايىقتالعان كەمە ءۇش كايۋتا، كامبۋز، گاليۋن جانە ۇستەلدەر ورناتىلاتىن جولاۋشىلار سالونىمەن جابدىقتالعان. وعان قوسا جوعارعى پالۋبا دا بار. كەمە ساعاتىنا 20 شاقىرىمعا دەيىن جۇرە الادى.
جالپى، كاسىپورىن جوندەۋ جۇمىستارىمەن قاتار تەز جۇرەتىن كاتەرلەر، سىيىمدىلىعى ۇلكەن كەمەلەر، پارومدار، جۇزەتىن سورعى ستانسالارى جانە سۋ ايدايتىن مۇنارالاردى جاساي الادى.
اۆتور: ەلجان ەرالى
