قازاقستان ازاماتتارىنىڭ تامىزداعى ورتاشا جالاقىسى بەلگىلى بولدى
بۇل تۋرالى ق ر ۇلتتىق ەكونوميكا مينيسترلىگى ستاتيستيكا كوميتەتىنىڭ باسپا ءسوز قىزمەتىنەن حابارلاندى.
اتاۋلى جالاقى يندەكسى 2013 - جىلعى تامىزعا 110,7 پايىزدى، ال ناقتى جالاقى يندەكسى 103,3 پايىزدى قۇرادى.
«سالالىق قۇرىلىمدا ەڭ ۇلكەن جالاقى كەن ءوندىرۋ ونەركاسىبى مەن كارەرلەردى قازۋدا - 264,8 مىڭ تەڭگە (ورتاشا رەسپۋبليكالىق دەڭگەيدەن 2,2 ەسەگە استى)، كاسىبي، عىلىمي جانە تەحنيكالىق قىزمەتتە - 229,3 مىڭ تەڭگە (1,9 ەسەگە استى)، قارجى جانە ساقتاندىرۋ قىزمەتىندە - 206,0 مىڭ تەڭگە (1,7 ەسەگە استى) كولەمىندە بەلگىلەندى. ەڭ تومەنگى جالاقى اۋىل، ورمان جانە بالىق شارۋاشىلىعى قىزمەتكەرلەرىندە بەلگىلەندى - 64,9 مىڭ تەڭگە، بۇل ەل بويىنشا ورتا كورسەتكىشتەن 46,7 پايىزعا تومەن»، دەلىنگەن كوميتەت مالىمەتىندە.
وڭىرلىك بولىنىستە ەڭ جوعارعى جالاقى مانعىستاۋ وبلىسىندا بەلگىلەندى - 237,0 مىڭ تەڭگە، بۇل ورتاشا رەسپۋبليكالىق كورسەتكىشتەن شامامەن 1,9 ەسەگە اسادى. سولتۇستىك قازاقستان وبلىسىندا مۇنىڭ شاماسى 79,1 مىڭ تەڭگەنى قۇرادى، بۇل ەل بويىنشا ورتاشا دەڭگەيدەن % 35,0 عا تومەن.
اۆتور: رۋسلان عابباسوۆ
