بيىل قازاقستان اتىنان نوبەل سىيلىعىنا ءابدىجامىل نۇرپەيىسوۆ ۇسىنىلدى
ونىڭ ايتۋىنشا، اتاقتى جازۋشى وتكەن جىلى دا ۇسىنىلعان بولاتىن.
«وتكەن جىلى ءابدىجامىل اعا ءتىپتى نوبەل كوميتەتىنىڭ 5 ادامدىق قىسقا تىزىمىنە ءىلىندى! بيىل دا قازاق پەن- كلۋبى ءابدىجامىل اعانى ۇسىنىپ وتىر. نەگىزى قازاقستاننىڭ اتىنان نوبەل سىيلىعىنا اقىن- جازۋشىلاردى ۇسىنۋ بويىنشا تەك ادەبيەت ينستيتۋتى مەن قازاق پەن- كلۋبىنىڭ عانا قۇقىعى بار» - دەدى ءوز سوزىندە بيگەلدى عابدۋللين.
سونىمەن قاتار، قازاق پەن- كلۋبىنىڭ پرەزيدەنتى بۇگىنگى تاڭدا قازاقتىڭ كلاسسيك جازۋشىلارىنىڭ تۋىندىلارىن اعىلشىن تىلىنە اۋدارۋ جۇمىستارى جۇرگىزىلىپ جاتقاندىعىن جەتكىزدى.
«بۇعان دەيىن ءابدىجامىل نۇرپەيىسوۆتىڭ «قان مەن تەر» رومانى اۋدارىلعان بولاتىن. ول باتىس ەلدەرى وقىرماندارى اراسىندا وتە جاقسى قابىلداندى. قازىر ءتۇرلى ەلدەردەن نوبەل كوميتەتىنە مىڭداعان ۇسىنىس حاتتار جولدانۋدا. سونداي- اق قازىر ءابىش كەكىلبايەۆتىڭ شىعارمالارى اۋدارىلىپ جاتىر. بۇدان كەيىن مۇقاعالي ماقاتايەۆتىڭ، سماعۇل ەلۋبايدىڭ شىعارمالارى اۋدارىلادى» - دەدى ب. عابدۋللين.
اۆتور: جاپپاربەرگەن ايبوتا
