الەمدەگى ەڭ الىپ ساۋدا ورتالىعى سالىنادى
ساۋدا ورتالىعى قازىرگى ۋاقىتتا قولعا الىنعان «شاتىر استىنداعى قالا» اتتى اۋقىمدى جوبانىڭ ءبىر بولشەگى بولماق.
Dubai Holding كومپانياسى قارجىلاندىرىپ وتىرعان ساۋدا ورتالىعىنىڭ جوباسى ازىرشە كاسىبي مامانداردىڭ تالقىلاۋىنان وتۋدە. ال، 2015 - جىلدىڭ ءبىرىنشى توقسانىنان باستاپ، قۇرىلىس جۇمىستارى قىزۋ باستالىپ تا كەتپەك. الەمدەگى ەڭ الىپ ساۋدا ورتالىعىنا جىلىنا 180 ميلليون جان باس سۇعادى دەپ جوسپارلانىپ وتىر.
«شاتىر استىنداعى قالا» جوباسى بويىنشا، ساۋدا ورتالىعىنان باسقا، 20000 ورىندى جۇزدەگەن قوناقجايلار مەن 7 شاقىرىمنان اساتىن جاياۋ جۇرگىنشىلەر جولى مەن مەديتسينالىق ەمحانالار، تەاتر، تسيرك، ساياباق سەكىلدى ويىن- ساۋىقتىق نىساندار سالىنباق.
كەشەننىڭ جالپى شىعىنى - 6,8 ميلليارد دوللاردى قۇراپ وتىر. ال، اۋماعى 4,5 ميلليون شارشى مەتردى الىپ جاتىر. الدىن الا جوبالاۋ بويىنشا، قۇرىلىس جۇمىستارى ون جىلسىز بىتپەيتىن ءتۇرى بار.
