پەرۋدە ۇڭگىرگە قۇلاپ كەتكەن يسپاندىقتى ءبىر اپتادان بەرى شىعارا الماي جاتىر

استانا. قازاقپارات - پەرۋدە ءبىر اپتادان بەرى تەرەڭدىگى 400 مەتردەي ۇڭگىرگە قۇلاپ كەتكەن يسپاندىقتى قۇتقارۋ جۇمىستارى جۇرگىزىلۋدە.

زارداپ شەگۋشى سەسيليو لوپەس ەلدىڭ استاناسىنان سولتۇستىك-شىعىسقا قاراي 605 شاقىرىم جەردە لەيمەبامبا قالاشىعى ماڭىنداعى ينتي ماچاي ۇڭگىرىنە قۇلاپ كەتكەن، دەپ حابارلادى Associated Press.

ىزدەۋ شاراسىنىڭ ۇيلەستىرۋشىسى دجەيمس اپاستەگۋي حابارلاعانداي، لوپەسكە جەتكەن مەديتسينا قىزمەتكەرلەرى ونىڭ ەكى بەل ومىرتقاسىنا زاقىم كەلگەنىن، سوعان بايلانىستى قوزعالا المايتىنىن انىقتادى. قۇتقارۋشىلار ەر ادامدى تاماق، سۋ جانە دارىمەن قامتاماسىز ەتۋدە. ولاردىڭ ايتۋىنا قاراعاندا، ۇڭگىردىڭ شالعايدا، تار ءارى اسا تەرەڭ بولۋى وتا جاساۋدى قيىنداتىپ تۇر. بۇل شاراعا پەرۋ جانە شەتەلدىك قۇتقارۋشىلار، سونىمەن بىرگە يسپاندىق ەرىكتىلەر قاتىسۋدا.