سىرداريا سۋ قويمالارىنا باعالى بالىق تۇرلەرىنىڭ ميلليونعا جۋىق شاباقتارى جىبەرىلدى
بۇل تۋرالى ارال- سىرداريا وبلىسارالىق بالىق شارۋاشىلىعى باسسەيندىك ينسپەكتسياسى باسشىسىنىڭ ورىنباسارى ەركىن وتەگەنوۆ قازاقپارات تىلشىسىنە ايتىپ بەردى.
ەركىن وتەگەنوۆتىڭ ايتۋىنشا، بيىل ارال- سىرداريا باسسەينىنىڭ بيولوگيالىق ارتۇرلىگىن ساقتاۋ ماقساتىندا14,8 ميلليون دانا جازدىق جانە 0,42 ميلليون دانا ەكى جازدىق قۇندى شاباق تۇقى، ءدوڭماڭداي، اق امۋر تۇرلەرىن ءوسىرۋ ءۇشىن مەملەكەتتىك باعدارلامامەن 207 ميلليون تەڭگە قاراستىرىلىپ وتىر.
بارلىعى 2014 - جىلى مەملەكەتتىك قازىنالىق كاسىپورىندارىمەن 168 ميلليوننان استام قۇندى بالىق تۇرلەرىن ونىڭ ىشىندە بەكىرە تۇقىمداس جازدىق تۇقى جانە ءشوپ قورەكتى اق امۋر، ءدوڭماڭداي تابيعي ورتاعا جىبەرۋ جوسپاردا بار. بۇل كورسەتكىش ارال- سىرداريا باسسەينى سۋ قويمالارىنداعى بالىق تۇرلەرىن ساقتاۋ مەن كوبەيتۋ ماقساتىندا الداعى جىلدارى ارتاتىن بولادى، دەيدى ە. وتەگەنوۆ.
اۆتور: ەلۋباي اۋەزوۆ
