11:08, 26 - قىركۇيەك 2014 | GMT +5
دەنيس تەن گەرمانياداعى تۋرنيرگە قاتىسۋدان باس تارتتى
استانا. قازاقپارات - سوچيدەگى وليمپيادا ويىندارىنىڭ قولا جۇلدەگەرى دەنيس تەن گەرمانياداعى Nebelhorn Trophy تۋرنيرىنە دەنساۋلىعىنا بايلانىستى قاتىسپايدى، دەپ حابارلادى Sports.ru.
قىسقا باعدارلاما باستالۋعا بىرنەشە ساعات قالعاندا مانەرلەپ سىرعاناۋشى اسقازانى اۋىرۋىنا بايلانىستى مۇز ايدىنىنا شىعا المايتىنىن حابارلادى.
«مەن وسى جارىسقا قاتىسامىن دەپ ۇمىتتەنگەن بولاتىنمىن، ءتىپتى جاتتىقتىم دا. الايدا سىرقاتتانۋىما بايلانىستى ءوزىمدى ءالسىز سەزىنەمىن، سول سەبەپتى مەن تۋرنيرگە قاتىسا المايمىن. ماعان قولداۋ ءبىلدىرۋ ءۇشىن وبەرستدورفقا كەلگەن جانداردان كەشىرىم سۇرايمىن»، - دەدى تەن.
