كۇيەۋىن قىزعانىپ پىشاقتاعان كەلىنشەك سوتتالدى

قىزىلوردا. قازاقپارات - بايقوڭىر قالاسىنىڭ تۇرعىنى كۇيەۋىن قىزعانىپ، قىلمىسكەر اتاندى. بۇل تۋرالى وبلىستىق سوتتىڭ باسپا ءسوز قىزمەتى حابارلادى.

سوتتالۋشى كۇيەۋىن قىزعانامىن دەپ، جابىرلەنۋشىنىڭ ىشىنە پىشاق سۇعىپ العان. بايقوڭىر قالالىق سوتىنىڭ ۇكىمىمەن سوتتالۋشى ءۇش جىل مەرزىمگە باس بوستاندىعىنان شەكتەۋ جازاسى تاعايىندالعان.

سونىمەن قاتار، سوت جابىرلەنۋشىگە مورالدىق زيان ءۇش ءجۇز مىڭ تەڭگە وندىرۋگە ۇكىم ەتتى. دەگەنمەن سوت ۇكىمىمەن كەلىسپەگەن جابىرلەنۋشى اپپەلياتسيالىق شاعىم بەردى. ءبىراق، بەس جىل باس بوستاندىعىنان شەكتەۋ جازاسى مەن ءبىر ميلليون تەڭگە مورالدىق زيان ءوندىرۋدى سۇراعان. الايدا ونىڭ شاعىمى قاناعاتتاندىرىلمادى.

اۆتور: ەلۋباي اۋەزوۆ