قۇقىق جۇيەسى دامىماي، ەل ەكونوميكاسىنىڭ دامۋى مۇمكىن ەمەس - ا. قاسىموۆ

كوكشەتاۋ. قازاقپارات - بۇل تۋرالى كەشە بۋرابايدا وتكەن جاڭا قىلمىستىق جانە قىلمىستىق-پروتسەسسۋالدىق زاڭنامانىڭ نورمالارىن قولدانۋ جونىندەگى حالىقارالىق سەمينار بارىسىندا ا ق ش دەلەگاتسياسىمەن كەزدەسكەن ق ر جوعارعى سوتى قاداعالاۋشى سوت القاسىنىڭ ءتوراعاسى اقىلتاي قاسىموۆ ايتتى.

ونىڭ ايتۋىنشا، قازاقستان ازياداعى قارقىندى دامۋشى ەل رەتىندە ءوزىنىڭ قىلمىستىق جانە قىلمىستىق-پروتسەسسۋالدىق زاڭناماسىن جاڭارتۋعا زور ءمان بەرىپ وتىر.

«بۇگىنگى تاڭدا قازاقستاننىڭ جوعارعى سوتى ازاماتتىق پروتسەسسۋالدىق زاڭنامانى ازىرلەۋمەن اينالىسىپ جاتىر. قۇقىق جۇيەسى دامىماي، ەل ەكونوميكاسىنىڭ دامۋى مۇمكىن ەمەس. ەكونوميكا مەن ىشكى جانە سىرتقى ينۆەستيتسيالاۋدىڭ قارقىندى دامۋى قازاقستان ءۇشىن جاعىمدى قۇبىلىس. مۇنىڭ بارلىعى ءبىزدىڭ ەلباسىمىزدىڭ ساليقالى ساياساتىنىڭ جەمىسى»، - دەيدى ا. قاسىموۆ.

اۆتور: اسلان وسپانوۆ