پاتەر كەزەگىنە ينتەرنەت ارقىلى دا تۇرا الاسىز

استانا. قازاقپارات - «قولجەتىمدى باسپانا-2020» باعدارلاماسى وپەراتورلارىنىڭ ءبىرى «سامۇرىق قازىنا جىلجىمايتىن مۇلىك قورى» كەشە ساعات تاڭعى وندا تاراز قالاسىنداعى پاتەرلەردى ساتۋعا ينتەرنەت ارقىلى ءوتىنىم قابىلداۋدى باستادى.

وسىلايشا ءوتىنىش قابىلداۋدىڭ اۆتوماتتاندىرىلعان ونلاين جۇيەسى العاش رەت ءىس جۇزىندە جۇزەگە اسا باستادى.

ەرەكشەلىگى وندا ەشقانداي ادام فاكتورى جوق، پاتەر كەزەگىندەگى ءوز ءنومىرىڭىزدى ءوتىنىم بەرگەن زاماتتا بىلە الاسىز. ايتا كەتۋ كەرەك، قازىر قوردىڭ www.fnsk.kz سايتىنا 4775 قاتىسۋشى تىركەلدى. تاراز قالاسىنداعى ساتىلىمدار باستالعان العاشقى 30 مينۋت ىشىندە 6 ءوتىنىش ءتۇستى. قىركۇەيەكتىڭ 29 ى كۇنى ساعات تاڭعى 10:00 دە الماتى ىرگەسىندەگى «اسىل ارمان» تۇرعىن ءۇي كەشەنىنە ونلاين وتىنىشتەر قابىلداۋ باستالادى. ال 12- قازان كۇنى اقتوبە قالاسىندا دا ينتەرنەت ادىسپەن «يۋني سيتي» تۇرعىن ءۇي كەشەنىندەگى پاتەرلەر ساتىلىمعا شىعادى.

ءبىز ينتەرنەت ارقىلى وتىنىمدەردى باستاپقى قابىلداۋ پروتسەسىن تولىق اۆتوماتتاندىردىق. كەزەكتىلىك ناق ۋاقىت ورايىندا ءوتىنىم بەرىلگەن ۋاقىت بويىنشا اۆتوماتتى تۇردە قۇرالادى، - دەيدى «سامۇرىق-قازىنا» جىلجىمايتىن مۇلىك قورى» ا ق اكتيۆتەردى باسقارۋ دەپارتامەنتىنىڭ ديرەكتورى تيمۋر قالدىبايەۆ. - بۇگىندە زاماناۋي تەحنولوگيالار «قولجەتىمدى باسپانا-2020» باعدارلاماسىنا قاتىسۋشىلاردىڭ كەزەكتىلىگىنىڭ اشىقتىعى مەن جاريالىعىن قامتاماسىز ەتۋگە مۇمكىندىك بەرەدى. ال باستىسى - ادامي فاكتوردىڭ بولمايتىندىعى.

ەستەرىڭىزگە سالامىز، ءوتىنىم بەرۋ ءۇشىن www.fnsk.kz سايتىنا تىركەلۋ قاجەت، ول ءۇشىن ەلەكتروندىق ساندىق قولدى (ح ق و-دا بەرىلەدى) ىسكە قوسۋ كەرەك. سايت پاراقتارىندا پايدالانۋشىلار وزدەرىنىڭ تولەمگە قابىلەتتىلىكتەرىن تەكسەرۋگە ارنالعان كالكۋلياتوردى، ءوتىنىمدى تىركەۋ مەن بەرۋ جونىندەگى نۇسقاۋلىقتى پايدالانا الادى جانە باعدارلامانىڭ نەگىزگى شارتتارى باياندالعان بەينەروليكتەرمەن تانىسا الادى.

Baq.kz