قۇربان ايت كۇنى تەگىن قوعامدىق كولىكتەر جۇرەدى
بۇل تۋرالى بۇگىن وبلىستىق كوممۋنيكاتسيا ورتالىعىندا وتكەن بريفينگتە «اقمەشىت- سىرداريا» مەشىتىنىڭ باس يمامى تالعات وماروۆ ايتتى.
بۇعان قوسا مەشىتتىڭ جانىنا 3 كيىز ءۇي تىگىلىپ، ءتۇرلى سپورتتىق ويىنداردان جارىستار ۇيىمداستىرىلماق. قارتتار ۇيىندە جانە وبلىستىق ءا. تاجىبايەۆ اتىنداعى امبەباپ عىلىمي كىتاپحانادا وبلىستىق فيلارمونيانىڭ اتسالىسۋىمەن كونتسەرتتىك باعدارلاما دا وتەدى. سونىمەن قاتار «جىبەك جولى» ساۋدا ورتالىعىندا بالالار ءۇيىنىڭ سابيلەرى ءۇشىن ويىن الاڭدارى تەگىن جۇمىس جاساپ، تۇرعىندارعا ءدام- تاعام تاراتىلاتىن بولادى. سول كۇنى قالا تۇرعىندارى ءۇشىن تەگىن قوعامدىق كولىكتەردى ۇيىمداستىرۋ دا جوسپارلانۋدا.
«مۇنىڭ بارلىعى قۇربان ايت مەرەكەسىن حالىق اراسىندا كەڭىنەن ءناسيحاتتاپ، مەيرامنىڭ قادىر- قاسيەتىنىڭ جوعارىلىعىن ۇقتىرۋ ماقساتىندا جاسالىپ جاتقان شارالار» ، - دەيدى تالعات وماروۆ.
ايتا كەتەيىك، باليعات جاسىنا تولعان، نەگىزگى قاجەتتىلىكتەردەن تىس نيساپ مولشەرىندەگى قارجىعا يە ءار ءبىر مۇسىلمانعا قۇرباندىق شالۋ ءۋاجىپ. نيساپ مولشەرى 85 گرامم التىن ياعني سونىڭ قۇنىنا تەڭ كەلەتىن اقشا.
اۆتور: ەلۋباي اۋەزوۆ
