ق. توقايەۆ ساۋد ارابياسى كورولدىگىنە رەسمي ساپارمەن شاقىرىلدى
جوعارى مارتەبەلى مەيمانمەن كەزدەسۋدە سەنات ءتوراعاسى قازاقستان ساۋد ارابياسىن تاياۋ شىعىس وڭىرىندەگى جانە يسلام الەمىندەگى ماڭىزدى ساياسي ءارى ەكونوميكالىق ارىپتەس رەتىندە تانيتىنىن، بارلىق سالالارداعى ءۇنقاتىسۋدى دامىتۋعا مۇددەلى ەكەنىن اتاپ ءوتتى.
ق. توقايەۆتىڭ پىكىرىنشە، وسى جىلى پرەزيدەنت ن. نازاربايەۆتىڭ ساۋد ارابياسىنا مەملەكەتتىك ساپارى ءتۇرلى سالالارداعى ىنتىماقتاستىقتى نىعايتۋعا ىقپال ەتەتىنى داۋسىز. تاراپتار ەكىجاقتى نەگىزدە جانە پارلامەنتارالىق ۇيىمدار اياسىنداعى پارلامەنتشىلەردىڭ بايلانىستارىن ودان ءارى دامىتۋ جايىندا ايتتى.
ق. توقايەۆتى كورولدىكتىڭ كونسۋلتاتيۆتىك كەڭەسىنىڭ ءتوراعاسى ساۋد ارابياسى كورولدىگىنە رەسمي ساپارمەن كەلۋگە شاقىردى.
سەنات ءتوراعاسى الەمدىك جانە ءداستۇرلى دىندەر ليدەرلەرىنىڭ سەزى قىزمەتىنە تۇراقتى تۇردە قولداۋ بىلدىرۋىنە وراي «قوس كيەنىڭ ساقشىسى» كورول ابداللا بەن ابدەلازيزگە العىس ايتتى جانە ا. ءال اش-شەيحتى 2015-جىلعى 10-11- ماۋسىمدا بولاتىن كەزەكتى فورۋمعا قاتىسۋعا شاقىردى.
