ءاربىر ەكىنشى قازاقستاندىق نەكەسىن تىركەۋگە ونلاين ءوتىنىش بەرەدى
«ءوتىنىش بەرۋشىلەردىڭ ەكەۋى دە ءبىر ءوتىنىشتى ەكى ەلەكتروندىق سيفرلىق قولتاڭبامەن راستايدى. «ءوتىنىش بەرۋشى ءبىر قالادا بولا تۇرا، تىركەۋدى جوسپارلاعان قالانىڭ ا ح ا ت بولىمىنە ءوتىنىشتى جولداي الادى»، - دەدى «ۇلتتىق اقپاراتتىق تەحنولوگيالار» ا ق Egov سۇيەمەلدەۋ جوباسىنىڭ جەتەكشىسى دياس كرامشەيەۆ.
ول سونداي-اق باسقا قالادا تۇراتىن پايدالانۋشىنىڭ نەكەسىن تىركەۋدى قالايتىن باسقا قالانىڭ ا ح ا ت بولىمىنە ءوتىنىشىن جولداي الاتىنىن جەتكىزدى.
Egov پورتالىندا نەكەنى تىركەۋگە ءوتىنىش بەرۋ قىزمەتى 2010-جىلى ىسكە قوسىلعان. ەلەكتروندى ءوتىنىش بەرۋ ءۇشىن ەكى ءوتىنىش بەرۋشى دە العاش رەت نەكەگە تۇرۋشىلار بولۋى ءتيىس جانە بالالارى بولماۋى قاجەت. ەكىنشى رەت جانە ودان ارتىق نەكەنى تىركەۋگە پورتال ارقىلى ءوتىنىش بەرۋ مۇمكىن ەمەس.
«قازاقستاندىق جاستاردىڭ ۇيدەن شىقپاي-اق قىزمەتتى تۇتىنۋعا باسىمدىق بەرەتىنى بايقالادى. بۇگىندە ەلەكتروندى ۇكىمەت پورتالىندا 570 تەن استام قىزمەت كورسەتۋلەر مەن سەرۆيستەر بار. سونىڭ ىشىندە نەكەنى تىركەۋدىڭ ەڭ كوپ سۇرانىسقا يە بولۋى تاڭقالارلىق جايت ەمەس، ويتكەنى جاستار - حالىقتىڭ ەڭ بەلسەندى بولىگى. ولار ونلاين قىزمەت كورسەتۋلەردى پايدالانا وتىرىپ، ءوز ۋاقىتتارىن ۇنەمدەي بىلەدى»، - دەپ اتاپ ءوتتى ادىلەت مينيسترلىگىنىڭ قىزمەتكەرى ريزاگۇل ءجۇمادىلوۆا.
ايتا كەتەيىك، 2011-جىلى پورتالدا ىسكە قوسىلعان نەكەگە تۇرۋعا ەلەكتروندى ءوتىنىش بەرۋ قىزمەتى اعىمداعى جىلعى 1048 ەسە سۇرانىسقا يە بولدى. 2013-جىلى نەكەنى بۇزۋعا 629 ادام ونلاين تۇرىندە ءوتىنىش بەردى.
