قازاقستاندا سوڭعى التى جىلدا ورىن العان اۋە اپاتتارى
بورتتا سول كەزدەگى وبلىس اكىمى مۇحتار قۇل-مۇحاممەد، تاعى بىرنەشە شەنەۋنىك پەن تىلشىلەردى قوسىپ العاندا 15 ادام بولعان. تىكۇشاق اپاتى سالدارىنان 5 ادام كوز جۇمعان، ىشىندە جۋرناليستەر دە بار. تەكسەرۋ قورىتىندىسى اپات سەبەبىن وتىن مەحانيزمىنىڭ بۇزىلۋى دەپ اتاعان.
2. 2009-جىلدىڭ ماۋسىمىندا قورعانىس مينيسترلىگىنىڭ م ي-24 تىكۇشاعى الماتى وبلىسىندا اپاتقا ۇشىراعان. ەكيپاجدىڭ ءۇش مۇشەسى دە ءتىرى. تىكۇشاق وزدىگىنەن سول جاققا، تومەنگە قاراي تارتىپ كەتكەن.
3. 2009-جىلدىڭ قىركۇيەگىندە وڭتۇستىك قازاقستان وبلىسىندا ۇ ق ك-ءنىڭ شەكارا قىزمەتىنە تيەسىلى م ي-8 تىكۇشاعى قۇلادى. 13 اسكەري قىزمەتكەردى بورتىنا تيەگەن اۋە كەمەسى شەكارانى بۇزۋشىلاردى ۇستاۋعا ارنالعان ارنايى وپەراتسياعا بارا جاتقان. اپات كەزىندە 10 ادام مەرت بولدى، تەك ۇشەۋى ءتىرى قالعان. كەيىننەن بەلگىلى بولعانداي، تىكۇشاقتىڭ ارتقى بولىگى بايقاماي تاۋ تاسىن ءىلىپ كەتكەن.
4. 2010-جىلدىڭ ناۋرىزى - شىعىس قازاقستان وبلىسىندا ت ج م تيەسىلى تىكۇشاق جەر جاستانعان، ونىڭ ىشىندەگى سەگىز ادام ءتىل تارتپاي كەتكەن. قۇتقارۋشىلار شالعاي ەلدى-مەكەننەن ءبىر ناۋقاستى وبلىس ورتالىعىنا الىپ كەلە جاتقان. اپات سەبەبى - اۋا-رايىنىڭ قولايسىزدىعى.
5. 2012-جىلدىڭ 22- تامىزى - اسكەري جاتتىعۋ ماقساتىندا كوككە كوتەرىلگەن م ي-17 تىكۇشاعى استانا اۋەجايىنا جاقىن ماڭدا بۇرق ەتكەن. تىكۇشاق ەكىگە ءبولىنىپ، بىردەن ورتكە ورانعان. ءتورت اسكەريدەن تۇراتىن ەكيپاج ءتىل تارتپاي كەتكەن. سول كەزدەگى اۋە قورعانىسى كۇشتەرىنىڭ باس قولباسشىسى الەكساندر سوروكين اپاتقا ۇشىراعان تىكشاقتىڭ سۋ جاڭا ەكەنىن، ال ەكيپاجدىڭ اسا بىلىكتى ماماندار ەكەنىن مالىمدەگەن. اپاتتىڭ بىرنەشە سەبەبى اتالعان. سونىڭ ءبىرى - ۇشاقتىڭ باسقارۋ جۇيەسى وزدىگىنەن ىستەن شىققان.
6. 2012-جىلدىڭ 19- قاراشاسىندا الماتى وبلىسىندا «ەۆرو-ازيا ەير» كومپانياسىنا تيەسىلى، بورت ءنومىرى - 829, م ي-8 تىكۇشاعىنىڭ قيراندىلارى تابىلعان. تىكۇشاق اتاسۋ-الاشاڭقاي مۇناي قۇبىرىن باقىلاۋ ءۇشىن ۇشىپ شىعىپ، 24- قاراشادا قىتاي شەكاراسىنا جاقىن كوكتۇما-دوستىق ماڭىندا جوعالعان. بورتتاعى سەگىز ادام دا مەرت بولعان. تىكۇشاق سەبەبى ءالى كۇنگە دەيىن ايتىلماعان.
7. 2012-جىلدىڭ 25- جەلتوقسانىندا شىمكەنت قالاسىنا جاقىن ماڭدا ان-72 اسكەري-تامىسال ۇشاعى قۇلاعان. ىشىندەگى 27 ادامنىڭ بارلىعى كوز جۇمعان. مەرت بولعاندار نەگىزىنەن اسكەري شەندىلەردەن تۇرادى. ونىڭ ىشىندە ۇ ق ك شەكارا قىزمەتى ديرەكتورىنىڭ مىندەتىن اتقارۋشى تۇرعانبەك ستامبەكوۆ تا بار. اپات سەبەبى - اۋا-رايىنىڭ قولايسىزدىعى.
8. 2013-جىلدىڭ 29- قاڭتارىندا «سكات» اۋە كومپانياسىنىڭ كوكشەتاۋدان الماتىعا باعىت العان CRJ-200 ۇشاعى الماتى وبلىسىنىڭ گۇلدالا ەلدى-مەكەنىندە جەر جاستانعان. ديسپەچەرلەر قوناتىن جولاقتىڭ تاپشىلىعىن سەبەپ ەتىپ، ۇشاققا ءبىر رەت اينالىپ كەلۋدى سۇراعان. ءبىراق ول قايتا اينالىپ اۋەجايعا جەتە الماعان. ەكيپاجدىڭ بەس مۇشەسى جانە 15 جولاۋشىسى - ءبارى بىردەي مەرت بولعان. رەسمي جاريالانعان سەبەبى - اۋا-رايى قولايسىزدىعى، بەيرەسمي دەرەك كوزدەرى وتىننىڭ تاۋسىلىپ قالعانىن ايتادى.
9. 2013-جىلدىڭ اقپانىندا «Zhersu avia» كومپانياسىنا تيەسىلى Bell 206 تىكۇشاعى الماتى وبلىسىنىڭ باقاناس اۋىلى ماڭىنا اپاتتى جاعدايدا قونعان. كەمە كومانديرى مەن ءتورت تۋريست تە ءدىن امان. كەيبىر دەرەكتەر بويىنشا، تىكۇشاقتىڭ دابىل جارىعى ءسونىپ قالعان، سوندىقتان كوماندير بىردەن قونۋدى ۇيعارعان.
10. 2013-جىلدىڭ 1- ساۋىرىندە «سكات» اۋەكومپانياسىنىڭ بانگكوك استانا باعىتىن نىسانعا العان بوينگ-757 ۇشاعىنىڭ قونۋ كەزىندە سول جاق دوڭعالاعىنىڭ تەجەگىش جۇيەسى ىستەن شىققان. ول بارلىق دوڭعالاققا كىنارات كەلتىرىپ، ءبىر سوزبەن ايتقاندا، جەر «جىرتا» قوناقتاپ، ۇشاق تۇتىنگە ورانعان. اۋە كەمەسىندە 180 ادام بولعان.
11. 2013-جىلدىڭ 7- ساۋىرىندە «سكات» اۋەكومپانياسىنىڭ شىمكەنتتەن استاناعا باعىت العان بوينگ-737 ۇشاعى ەلوردا اۋە-جايىنا اپاتتى جاعدايدا قونعان. ۇشاقتىڭ الدىڭعى دوڭعالاعى (شاسسيى) ىستەمەي قالعان. ازاماتتىق اۆياتسيا كوميتەتى جانە تجم ماماندارىنىڭ كومەگىمەن بۇل جايت ءساتتى اياقتالىپ، بورتتاعى 94 ادامعا دا ەشتەڭە بولماعان.
12. 2014-جىلدىڭ 23- قىركۇيەگىندە الماتى وبلىسىندا وقۋ-جاتتىعۋ ۇشۋلارى كەزىندە س ۋ-27 ۇشاعى اپاتقا ۇشىرادى. اسكەري ۇشاق قيراندىلارى تالدىقورعاننان 100 شاقىرىم قاشىقتىقتاعى كوكسۋ ەلدىمەكەنى اۋماعىنان تابىلعان. س ۋ-27 ۇشاعىن باسقارعان پودپولكوۆنيك ەرلان ناۋانوۆ پەن پودپولكوۆنيك دەنيس گوربۋنوۆ مەرت بولعان. ەكەۋى دە وتە بىلىكتى اسكەري ۇشقىشتار. اپاتقا سەبەپ بولۋشى ەكى بولجام ايتىلۋدا: تەحنيكا وزدىگىنەن ىستەن شىقتى نەمەسە ادامي فاكتور بار.
