جەرگىلىكتى بيلىكتىڭ باستى پارىزى - حالىققا تونەر قاۋىپتىڭ الدىن الۋ - قىرىمبەك كوشەربايەۆ

قىزىلوردا. قازاقپارات - كەشە وبلىس اكىمدىگىندە توتەنشە جاعدايلاردىڭ الدىن الۋ جونىندەگى كوميسسيانىڭ كەزەكتى وتىرىسى ءوتتى، دەپ حابارلادى وبلىس اكىمدىگىنىڭ باسپا ءسوز قىزمەتىنەن.

ماجىلىستە ايماق باسشىسى ق. كوشەربايەۆ قىس مەزگىلىندە وقىس وقيعالاردىڭ الدىن الۋدا اتقارعان جۇمىستارى ءۇشىن وبلىس اكىمىنىڭ ورىنباسارى ن. الىبايەۆقا قالا اكىمىنىڭ ورىنباسارى م. تىلەۋىمبەتوۆكە، جاڭاقورعان اۋدانى اكىمىنىڭ ورىنباسارى س. ىدىرىسوۆقا توتەنشە جاعدايلار كوميتەتىنىڭ العىسحاتىن تاپسىردى.

وتىرىستىڭ كۇن تارتىبىندە ءۇش ماسەلە قارالدى. وبلىس اۋماعىندا سەيسمومونيتورينگ جۇرگىزۋ، ءبىلىم نىساندارىنداعى ءورت قاۋىپسىزدىگى جانە ورتكە قارسى سۋ جۇيەسىنىڭ تەحنيكالىق جاعدايى مەن سۋ قويمالارى جايلى.

جيىندا سونداي-اق، وبلىستىق ت ج د باسشىسى س. ءومىرزاقوۆ قۇمكول كەنىشىندە 2009-2010-جىلدار ارالىعىندا 5 بالدىق 3 جەر سىلكىنىسى ورىن العانىن جەتكىزدى. وسىنداي قاۋىپتەردىڭ الدىن الۋ ماقساتىندا سەيسمولوگيا ينستيتۋتىنىڭ ايماقتىق ورتالىعىن اشۋدى ۇسىندى. سونىمەن قاتار، «پاراسات» ۇلتتىق عىلىمي-تەحنيكالىق حولدينگىنە قاراستى سەيسمولوگيا ينستيتۋتىنىڭ ديرەكتورى ت. اباقانوۆ گەوديناميكالىق سەيسموپوليگون سالۋ بۇگىنگى كۇننىڭ كەزەك كۇتتىرمەيتىن جۇمىستارىنىڭ ءبىرى ەكەنىن، «سەيسميكالىق ايماقتاندىرۋ كارتاسىنا» وراي قۇمكول كەنىشىنە 10 ستانسا سالۋ قاجەتتىلىگىنە نازار اۋدارتتى.

بۇل ۇسىنىسقا وبلىس اكىمى نورماتيۆتىك قۇقىقتىق بازا نەگىزىندە ەنەرگەتيكا مينيسترلىگىمەن بىرلەسىپ ۇكىمەتتە قارالۋ قاجەتتىگىن ايتتى. دەگەنمەن، الەۋمەتتىك جوبا كوزى رەتىندە قاراستىرۋدى ورىنباسارى ن. الىبايەۆقا جۇكتەدى. سونداي-اق، بۇل ماسەلەنى مۇناي كومپانيالارىمەن بىرلەسە مەموراندۋمعا قول قويا وتىرىپ، قارجى كوزدەرىن قاراستىرۋدى ويلاستىرعان دا ابزال بولماق. كەلىسىلىپ پىشىلگەن كەز كەلگەن جوبالارعا اكىمدىك تاراپىنان قولداۋ بىلدىرەتىنىن ايتقان ايماق باسشىسى «جەرگىلىكتى بيلىكتىڭ باستى پارىزى - حالىققا تونەر قاۋىپتىڭ الدىن الۋ»، - دەپ تۇيىندەدى.

اۆتور: ەلۋباي اۋەزوۆ