16:06, 25 - قىركۇيەك 2014 | GMT +5
قازاقستاندىق باپكەر ازيادادان نەگە قۋىلدى؟
استانا. قازاقپارات - شتاتتىق ۇلتتىق كوماندالار مەن سپورتتىق رەزەرۆ ديرەكتسياسىندا ۋشۋدان باپكەر مەدەت ءابجانوۆتىڭ ينچحونداعى ازيادادان شىعارىلۋىنا بايلانىستى تۇسىنىكتەمە بەردى.
«وسىعان دەيىن قازاقستاننىڭ ءبىرقاتار ب ا ق-تارىندا ءابجانوۆتىڭ تاراپىنان ۆولونتەر قىزعا ءتيىسۋ ارەكەتتەرى ورىن العان دەپ حابار تاراعان بولاتىن. وسىعان بايلانىستى تەرگەۋ جۇرگىزىلىپ جاتىر.
الايدا ويىنداردى ۇيىمداستىرۋ كوميتەتىنىڭ تاراپىنان قازاقستاننىڭ رەسمي دەلەگاتسياسى مەن قازاقستاننىڭ ۇلتتىق وليمپيادا كوميتەتىنە جازباشا ارىزدار تۇسكەن جوق»، - دەلىنگەن شتاتتىق ۇلتتىق كوماندالار مەن سپورتتىق رەزەرۆ ديرەكسياسىنىڭ رەسمي حابارلاماسىندا.
سونداي-اق اتالمىش ديرەكسيادا قازاقستان رەسپۋبليكاسىنىڭ ۋشۋدان مەملەكەتتىك باپكەرى مەدەت ءابجانوۆ ش ۇ ك جانە س ر ديرەكسياسىنىڭ ديرەكتورى ك. م. جانپەيىسوۆتىڭ بۇيرىعىمەن قازاقستانعا XVII جازعى ازيادا ويىندارىنىڭ وليمپيادالىق اۋىلىنان سپورتتىق رەجيم مەن وسى اۋىلدا تۇرۋ ەرەجەلەرىن بۇزعانى ءۇشىن قايتارىلعانىن ايتتى.
