مال دارىگەرلەرى باسىندا وعى بار مىسىقتى قۇتقارىپ قالدى

 استانا. قازاقپارات - چەليابى كوشەلەرىنىڭ بىرىنەن قالا تۇرعىندارى بەت-اۋزىن قان باسقان قاڭعىعان مىسىقتى تاۋىپ العان.

مال دارىگەرلەرى باسىندا وعى بار مىسىقتى قۇتقارىپ قالدى

استانا. قازاقپارات - چەليابى كوشەلەرىنىڭ بىرىنەن قالا تۇرعىندارى بەت-اۋزىن قان باسقان قاڭعىعان مىسىقتى تاۋىپ العان.

زارداپ شەككەن جانۋاردى ولار مال دارىگەرلىك اۋرۋحاناعا جەتكىزگەن.

 مال دارىگەرلەرىنە باسىندا مىسىق بيىكتەن قۇلاپ كەتكەن نەمەسە كولىك دوڭعالاعىنىڭ استىنا تۇسكەن بولۋى كەرەك دەگەن وي كەلگەن. الايدا ءبارى مۇلدە باسقاشا بولىپ شىقتى. جانۋاردىڭ باسىنان وق تابىلدى.

«رەنتگەنوگرافيادان وتكەننەن كەيىن ءبىزدىڭ ۇجىمداعىلاردىڭ ءبارى جاعالارىن ۇستادى. مىسىقتىڭ باسىنان وق شىقتى. وعان وتا جاسالىپ، وق الىندى. جانۋار بىرتىندەپ قالپىنا كەلە جاتىر. مىسىقتىڭ تاماق جەي باستاۋى ونىڭ بەتى بەرى قاراعانىنىڭ بەلگىسى»، - دەيدى كلينيكانىڭ مال دارىگەرى نينا شۋبينا.