08:41, 25 - قىركۇيەك 2014 | GMT +5
ەۋروپادا پوليتسيا وپەراتسياسى كەزىندە مىڭنان استام ادام تۇتقىندالدى
بريۋسسەل. قازاقپارات - ەۋرووداققا 28 مۇشە-مەملەكەتتىڭ جانە 6 وداقتاس مەملەكەت - اۆستراليا، كولۋمبيا، نورۆەگيا، سەربيا، شۆەيتساريا جانە ا ق ش-تىڭ قۇقىق قورعاۋ ورگاندارى ەۋروپادا «ارحيمەد» اتتى ۇيىمداسقان قىلمىسقا قارسى وپەراتسيا وتكىزدى، دەپ حابارلايدى «ەۆروپولعا» سىلتەمەمەن قازاقپارات ءتىلشىسى بريۋسسەلدەن.
«ەۆروپول» ديرەكتورى روب ۋەينرايتتىڭ ايتۋىنشا، «ارحيمەد» وپەراتسياسى - قۇقىق قورعاۋ قوعامداستىقتارىنىڭ ەۋروپاداعى ۇيىمداسقان قىلمىسقا قارسى ارەكەتتەردىڭ شەشۋشى كەزەڭى.
شارا بارىسىندا 1027 ادام تۇتقىندالىپ، 559 كەلى كوكاين، 200 كەلى گەروين، 1,3 توننا ماريحۋانا تاركىلەنىپ، 30 بالا ساتىلىپ كەتكەلى تۇرعان جەرىنەن قۇتقارىلدى.
سونداي-اق، «ارحيمەد» وپەراتسياسى اياسىندا 10 مىڭنان استام زاڭسىز ميگرانت ۇستالىپ، زاڭسىز ميگراتسيانى ۇيىمداستىرعان 170 ادام قولعا ءتۇستى.
