اداسىپ كەتكەن ەكەۋ اشتان ولمەس ءۇشىن قاسىنداعى سەرىگىن جەپ قويعانىن مويىندادى
"ياكۋتيا جوعارعى سوتىنىڭ سوت كوللەگياسى نەريۋنگرين قالالىق سوتىنىڭ ۇكىمىن وزگەرتىپ، الەكسەي گورۋلەنكونى جاپا شەگۋشى مارقۇمنىڭ دەنساۋلىعىنا قاساقانا زيان كەلتىرۋ ارقىلى ونى ءولتىردى دەپ ايىپتادى. ول 12 جىل جازاسىن قاتاڭ تارتىپتەگى تۇرمەدە وتەيدى"، - دەدى جوعارعى سوتتا.
2 - ماۋسىمدا نەريۋنگرين قالالىق سوتى گورۋلەنكونى 3,5 جىلعا شارتتى تۇردە بوستاندىعىنان ايىرىپ، سوت زالىندا بوساتقان.
تەرگەۋ بارىسىندا انىقتالعانداي، 2012 - جىلى جازدا ساراتوۆ وبلىسىنىڭ تۇرعىنى گورۋلەنكو جانە تاعى ءۇش ادام تايگادا اداسىپ قالعان. قۇتقارۋشىلار قازان ايىنىڭ سوڭىندا تەك گورۋلەنكو مەن تاعى ءبىر ادامدى عانا تاپقان. بىرنەشە كۇننەن كەيىن جاقىن جەردە تاعى ءبىر ادامنىڭ دەنەسىنىڭ ءبىر بولىگىن تاپقان. سوتتا گورۋلەنكو مەن ونىڭ قاسىنداعى ادام اشتىقتان ولمەۋ ءۇشىن سول كىسىنىڭ ەتىن جەۋگە ءماجبۇر بولعانىن ايتقان.
ءتورتىنشى ەر ادام ءالى كۇنگە ءىز- ءتۇزسىز جوعالعان دەپ ەسەپتەلەدى.
گورۋلەنكوعا قاتىستى ۇكىمگە مەملەكەتتىك ايىپتاۋشى مەن جاپا شەككەننىڭ تۋىستارى شاعىمدانعان. ءىس ياكۋتيا جوعارعى سوتىنىڭ قاراۋىنا ءوتىپ، جاڭا ۇكىم شىعارىلدى.
