تەننيستەن قازاقستان ەرلەرى قىتايدان باسىم ءتۇسىپ ازيا ويىندارىنىڭ «التىن» جۇلدەسىن يەلەندى

استانا. قازاقپارات - تەننيستەن قازاقستان ەرلەر قۇراماسى وڭتۇستىك كورەيانىڭ ينچحون قالاسىندا ءوتىپ جاتقان جازعى ازيا ويىندارىنىڭ فينالىندا قىتاي كومانداسىنان 2:0 ەسەبىمەن باسىم ءتۇسىپ، ەلىمىزدىڭ قورجىنىنا التىن جۇلدە سالدى.

الەكساندر نەدوۆەسوۆ پەن ميحايل كۋكۋشكين ءوز قارسىلاستارىنان ايلاسىن اسىردى، دەپ حابارلادى sports.kz.

وسىعان دەيىن دزيۋدوشى ەلدوس سمەتوۆ، اۋىر اتلەتشى مارگاريتا ەليسەيەۆا، قازاقستاننىڭ تراپتان ايەلدەر قۇراماسى مەن ءجۇزۋشى دميتري بالاندين ەكى مارتە قازاقستان قورجىنىنا التىن مەدال سالعان بولاتىن.

سۋدا جۇزۋدەن قازاقستان سپورتشىسى دميتري بالاندين ازيا ويىندارىندا 100 مەترگە براسپەن جۇزۋدە ەكىنشى التىن مەدالدى قانجىعالادى .

مۇنىڭ الدىندا بالاندين 200 مەترگە براسپەن جۇزۋدە الدىنا جان سالماي، ازيا رەكوردىن جاڭارتقان بولاتىن.

سونىمەن، جالپى ەسەپتە 4-ورىندا كەلە جاتقان قازاقستان قورجىنىندا قازىر 24 مەدال بار: 6 التىن، 6 كۇمىس جانە 12 قولا.

ەستەرىڭىزگە سالامىز، سايىستىڭ بەسىنشى كۇنىندە قازاقستاندىق سپورتشىلار 2 كۇمىس جانە 2 قولا مەدال يەلەندى.