قازاقستاندىق «باي» انشىلەردىڭ ءتىزىمى جاسالدى

استانا. قازاقپارات - قازاق ەستراداسىنداعى ەڭ تابىستى انشىلەردىڭ جاڭا رەيتينگى جاسالدى.

قازاق انشىلەرىنىڭ ىشىندە ەڭ كوپ تابىس تاباتىن قايرات نۇرتاس.

تابىسى مول انشىلەر كوشىندە قايرات نۇرتاستىڭ كوشى ىلگەرى. 25 جاسىندا ول 9 البوم شىعارىپ ۇلگەرگەن.

ودان بولەك، "وكىنىش" بيوگرافيالىق فيلمى مەن ءوزىنىڭ كيىم جۇيەسىن دە رەتكە قويدى.

2013 - جىل قايرات ءۇشىن وتە ءساتتى ءوتتى دەۋگە بولادى.

Forbes مالىمەتى بويىنشا ول $2,04 ميلليون تابىس تاۋىپتى. قايراتتىڭ ءبىر تويعا شىعۋى $7000 تۇرادى. ەندى ول ءوزىنىڭ برەندتىك اۋە جۇيەسىن ىسكە قوسۋدى قولعا الۋدى جوسپارلاپ جۇرگەن كورىنەدى. ءبىر قىزىعى، قايراتتىڭ قازاق ەستراداسىنا كەلگەنىنە نەبارى التى-اق جىل تولدى.

ەكىنشى ورىندا ەلدىڭ سۇيىكتى توبى - "مۋزارت" توبى. قازاق ەستراداسىندا جۇرگەنىنە 13 جىل بولعان توپتىڭ تويداعى گونورارى - $6000 دى قۇرايدى. بۇگىندە "مۋزارتتىڭ" ءان جازاتىن ستۋدياسى بار.

جاقىندا عانا الماتىدا دۇركىرەتىپ كونسەرت بەرگەن قىدىرالى مەن قاراقات تابىستى انشىلەر تىزىمىندە ءۇشىنشى ورىندا تۇر. ءتورت ۇلدى تاربيەلەپ وتىرعان اتا-انا اننەن بولەك ويىنشىقتاردى شىعارۋدى دا جولعا قويعان. سونىمەن قاتار، قىدىرالى بولمانوۆ " ۇلىتاۋ" توبىنا دا پروديۋسەرلىك ەتەدى. جۇلدىزدى جۇپتىڭ تويداعى گونورارى - $6000 عا تەڭ.

ءمادينا ءسادۋاقاسوۆا تابىسى جونىنە ءتورتىنشى ورىندا. ول تويدا ءان شىرقاعانى ءۇشىن $5000 سۇرايدى.

بەسىنشى ورىندا ءدىلناز احماديەۆا، التىنشى ساتىدا ليدو ورنالاستى.

تابىستى انشىلەر اراسىندا "رينگو" توبى جەتىنشى ساتىعا تابان تىرەگەن. توپتىڭ جىلدىق كىرىسى $576 مىڭعا تەڭ.

"كەشيۋ" توبى سەگىزىنشى، "جىگىتتەر" كۆارتەتى توعىزىنشى ورىندا. قىزدار مەن ەرلەردەن قۇرالعان بۇل ەكى توپتىڭ تويدا ونەر كورسەتۋى $5000 عا باعالانادى.

ال تابىسى مول انشىلەردىڭ ۇزدىك وندىعىن ءالي وقاپوۆ تۇيىندەپ تۇر. ءالي تويدا قوناقتاردىڭ كوڭىلىن كوتەرىپ، ونەر كورسەتۋى ءۇشىن 4000 ا ق ش دوللارىن سۇرايدى.

Nur.kz