قازاقستاندا قايىر سۇراپ، ازاماتتاردىڭ مازاسىن العان ادامدار جاۋاپكەرشىلىككە تارتىلادى
بۇل تۋرالى بۇگىن و ك ق-دە وتكەن بريفينگتە ق ر ءى ءى م اكىمشىلىك پوليتسيا كوميتەتىنىڭ ءتوراعاسى يگور لەپەحا مالىمدەدى.
«قۇقىق بۇزۋشىلىققا قاتىستى جاۋاپكەرشىلىكتى ارتتىرۋ بويىنشا نورماتيۆتىك-قۇقىقتىق اكتىلەردى جەتىلدىرۋ جۇمىستارى جۇرگىزىلىپ جاتىر. سونىڭ ناتيجەسىندە، 1 - قاڭتاردان باستاپ، كۇشىنە ەنەتىن جاڭادان قابىلدانعان اكىمشىلىك قۇقىق بۇزۋشىلىق كودەكسىندە قوعامدىق ءتارتىپ پەن ادامگەرشىلىك قۇندىلىقتاردى بۇزۋشىلىققا قولدانىلاتىن جازالار كۇشەيتىلگەن»، - دەدى ي. لەپەحا.
ونىڭ ايتۋىنشا، كودەكستە ۇساق بۇزاقىلىققا قولدانىلاتىن جازالار كۇشەيتىلگەن.
«ەگەر بۇگىنگى تاڭدا ۇساق قىلمىستار ءۇشىن ايىپپۇل 3-10 ا ە ك اراسىندا بولسا، جاڭا قۇجاتتا تەك قانا 10 ا ە ك ايىپپۇل سالىناتىن بولادى. ءتىپتى، كەي جاعدايدا اكىمشىلىك ارەست تە قاراستىرىلعان»، - دەدى ول.
سونداي-اق جاڭا كودەكستە تىنىشتىق بۇزۋ، بەلگىلەنبەگەن جەردە ىشىمدىك ءىشۋ جانە تەمەكى شەگۋ سياقتى قۇقىق بۇزۋشىلىقتاردىڭ جازاسى دا ەداۋىر كۇشەيتىلگەن.
«بۇدان بولەك، قايىر تىلەۋ مەن ازاماتتاردىڭ مازاسىن الۋ سىندى قىلىقتار ءۇشىن دە جاۋاپكەرشىلىككە تارتۋدى قاراستىراتىن ارنايى باپ پايدا بولدى»، - دەپ اتاپ ءوتتى ي. لەپەحا.
اۆتور: ءابۋ-اسقار مەكەش ۇلى
