12:33, 24 - قىركۇيەك 2014 | GMT +5
قاراعاندى وبلىسىنىڭ بۇرىنعى اكىمى باۋىرجان ابدىشيەۆ ۇستالدى
استانا. قازاقپارات - قاراعاندى وبلىسىنىڭ بۇرىنعى اكىمى كۇدىكتى رەتىندە ۇستالدى.
بۇل تۋرالى بۇگىن پارلامەنت ماجىلىسىندە جۋرناليستەرگە بەرگەن سۇحباتىندا مەملەكەتتىك ىستەر جانە سىبايلاس جەمقورلىققا قارسى ءىس- قيمىل اگەنتتىگىنىڭ ءتوراعاسى قايرات قوجامجاروۆ ءمالىم ەتتى.
جۋرناليستەر ساۋالىنا جاۋاپ بەرگەن اگەنتتىك باسشىسى قاراعاندى وبلىسىنىڭ بۇرىنعى اكىمى باۋىرجان ابدىشيەۆ ۇستالعانىن راستاي وتىرىپ، وعان قاتىستى ەكى قىلمىستىق ءىس قوزعالعانىن جەتكىزدى.
«ول كەشە قىلمىستىق ءىستىڭ قوزعالۋىنا قاتىستى قاۋلىمەن تانىسىپ شىقتى، سونىمەن قاتار 132-باپ بويىنشا كۇدىكتى رەتىندە ۇستالدى» ، - دەدى ق. قوجامجاروۆ. ونىڭ سوزىنە قاراعاندا، ەندى ەكس- اكىمگە 48 ساعاتتىڭ ىشىندە ايىپ تاعىلىپ، سونىڭ ناتيجەسىندە قاماۋعا الۋ شارالارى قارالادى.
اۆتور: قانات مامەتقازى ۇلى
باۋىرجان ابدىشيەۆ
