10:18, 24 - قىركۇيەك 2014 | GMT +5
ا ق ش- تا ۋساما بين لادەننىڭ كۇيەۋ بالاسىنا قاتىستى سوت ۇكىمى شىقتى
استانا. قازاقپارات - نيۋ- يوركتە سوت تەررورلىق اكتىلەرگە قاتىسى بار دەپ ايىپتالعان ۋساما بين لادەننىڭ كۇيەۋ بالاسى سۇلەيمەن ءابۋ گەيتتى ءومىر بويى باس بوستاندىعىنان ايىرۋ جازاسىن تاعايىندادى، دەپ حابارلادى BBC.
ول 2013 - جىلى يوردانيادا ۇستالىپ، ا ق ش- قا دەپورتاتسيالانعان بولاتىن. گەيت بىرنەشە جىل بوي تاسالاپ ءجۇردى، العاشىندا اۋعانستاندا تۇرسا، كەيىن يراندى پانالاعان. ءبىراق، بىلتىر ول انكارا قالاسىنداعى قوناق ۇيدە ۇستالىپ، تۇركيا بيلىگى ونى ەلىنە، كۋۆەيتكە قايتارماق بولعان. ءبىراق ورتا جولدا يوردانيادا ا ق ش- تىڭ ارنايى بارلاۋ قىزمەتى قولعا ءتۇسىرىپ، امەريكاعا جونەلتتى.
