08:52, 24 - قىركۇيەك 2014 | GMT +5
جاپونيا باتىس افريكاعا ەبولا ۆيرۋسى ەپيدەمياسىمەن كۇرەسۋ ءۇشىن دارىگەرلەر جىبەرەدى
استانا. قازاقپارات - جاپونيا ۇكىمەتى باتىس افريكا ەلىنە ەبولا ۆيرۋسى ەپيدەمياسىمەن كۇرەسۋ ءۇشىن 23 ادامنان تۇراتىن دارىگەرلەر توبىن جىبەرۋگە نيەتتى، دەپ حابارلادى ەلدىڭ س ءى م باسشىسى فۋميو كيسيدا. قازىرگى ۋاقىتتا ول نيۋ- يوركتە بۇۇ ءتۇرلى شارالارىنا قاتىسۋدا.
قازىر دۇنيەجۇزىلىك دەنساۋلىق ساقتاۋ ۇيىمىنىڭ جەلىسى بويىنشا باتىس افريكا ەلىندە ەبولا ۆيرۋسى ەپيدەمياسىمەن كۇرەسكە 4 جاپوندىق دارىگەر تارتىلدى. بۇل ماقساتقا توكيو 5 ميلليون دوللار ءبولدى، ءارى بۇل سومانى ۇلعايتۋدى جوسپارلاۋدا.
بۇدان باسقا، جاپونيادا ەكى جەكەمەنشىك فارماتسيەۆتيكالىق كومپانيا ەپيدەميانىڭ تارالۋىنا كەدەرگى كەلتىرەتىن پرەپارات ازىرلەگەن. الايدا ول ازىرگە جەتكىلىكتى كلينيكالىق سىناقتان وتكەن جوق.
