ناپولەون مەن جوزەفينانىڭ نەكە تۋرالى كەلىسىمشارتى رەكوردتىق سوماعا ساتىلدى

استانا. قازاقپارات - پاريجدەگى اۋكتسيوندا ناپولەون مەن ونىڭ ايەلى جوزەفينانىڭ نەكە شارتى رەكوردتىق سوماعا ساتىلدى، دەپ حابارلادى رەسەيلىك «جاڭالىقتار» اگەنتتىگى.

وسى بىرەگەي قۇجاتتىڭ باعاسى 438 مىڭ ەۋروعا جەتتى، ونىڭ باستاپقى باعاسىن Osenat اۋكتسيون ءۇي 80 مىڭنان 100 مىڭ ەۋروعا دەيىن باعالاعان بولاتىن.

بىرەگەي قۇجاتتىڭ جاڭا قوجايىنى پاريجدىك حات جانە مانۋسكريپتەر مۋزەيى بولدى. ولار ساتىپ العان قۇجاتتىڭ بۇل داناسى جوزەفينانىكى بولاتىن. ناپولەون بوناپارت مەن جوزەفينانىڭ ۇيلەنۋ تويى 1976-جىلى 9- ناۋرىزدا بولدى. نەكە شارتىنا 18- ناۋرىزدا قول قويىلعان. نەكە شارتىنىڭ 1№ بابىندا «بولاشاق جۇبايلاردا بىرلەسكەن مەنشىك بولمايدى، ولار ەشقاشان دا ءبىر-ءبىرىنىڭ بورىشتارىنا جاۋاپتى ەمەس»، - دەلىنگەن.

ناپولەوننىڭ نەكە كەلىسىم-شارتىنان باسقا، حاتتار مەن مانۋسكريپتەر مۋزەيى ناپولەوننىڭ وپاسىزدىق جاساۋعا بايلانىستى تۇتقىندالۋى تۋرالى قولجازبا بولدى، ون ءبىر كۇننەن كەيىن ول بوساتىلدى. ولاردىڭ باعاسى 119 مىڭ ەۋروعا جەتتى.

مۋزەي سونداي-اق سۋرەتشى جاك لۋي داۆيد قول قويعان حاتتى ساتىپ الدى، وندا ناپولەونعا كارتيناعا وزگەرىستەر ەنگىزۋ جونىندەگى ءوتىنىشى بار.