كوكشەتاۋدا جارناما تەرىس ءىلىنىپ تۇر

 كوكشەتاۋ. قازاقپارات - بۇل دا كليەنت تارتۋدىڭ جاڭا ءتاسىلى بولسا كەرەك، الايدا توڭكەرىلگەن جارناما كورگەن ادامعا سالعىرتتىقتىڭ بەلگىسى، جاۋاپسىزدىقتىڭ كورىنىسى ىسپەتتى.

كوكشەتاۋ قالاسىنداعى اۋەلبەكوۆ كوشەسىنىڭ بويىنداعى بيلبورد جارناماسىنداعى «توڭكەرىلگەن تاكسي» كورگەن ادامدى ءارى- ءسارى كۇيگە تۇسىرەرى انىق. مۇمكىن، يدەيا اۆتورلارىنىڭ ماقساتى دا وسى بولعان شىعار. جۇرتتى تاڭقالدىرۋدىڭ ءتۇرلى ءادىسىن ويلاپ تاباتىندار «اتىڭ شىقپاسا جەر ورتە» ماقالىن قازىر قاعيداعا اينالدىرعانداي.

 كوشە بويىنداعى انادايدان مەن مۇندالاپ تۇراتىن كەيبىر جارنامالارداعى ءارىپ قاتە مەن شالا اۋدارماعا كوزىمىز دە، ەتىمىز دە ۇيرەنىپ كەتىپ ەدى، ەندى بارا- بارا تەرىس جارناماعا دا تاڭقالمايتىن شىعارمىز.

اۆتور: اسلان وسپانوۆ