قازاقستاننىڭ كوممۋنيستىك پارتياسى جىككە ءبولىندى
«مەن، بەكتۇرعانوۆ الپامىس مەڭعازى ۇلى، جاقىن ۋاقىتتارعا دەيىن قازاقستان كوممۋنيستىك پارتياسىنىڭ مۇشەسى بولدىم. مەنى ءوز پارتيامنىڭ، قازاقستان كوممۋنيستەرىنىڭ تاعدىرى الاڭداتپاي قويمايدى. مەنىڭ پارتيا بەلسەندىلەرىنىڭ قاتارىنان زاڭسىز شىعارىلۋىما قاراماستان، ق ك پ ءبىرىنشى حاتشىسى مىندەتىن اتقارۋشى تولەۋحان ماقىجانوۆقا، ق ك پ باتىس قازاقستان وبكومىنىڭ ءبىرىنشى حاتشىسى ۆاسيلي شامينگە قاتىستى پارتياداعى قابىلەتسىز، ساۋاتسىز جۇمىستارى ءۇشىن سىن ايتقىم كەلەدى»، - دەپ مالىمدەدى ب ا ق ارقىلى تاراتقان حابارلاماسىندا ا. بەكتۇرعانوۆ.
ونىڭ سوزىنە قاراعاندا، «ماقىجانوۆ پەن شامين سياقتىلاردىڭ قوعامدا الەۋمەتتىك شيەلەنىس تۋعىزۋعا باعىتتالعان «ساۋاتسىز»، «جەرشىلدىك» ساياساتى پارتيا اكتيۆىنىڭ تولىقتاي بەرەكەسىن كەتىردى».
«بۇل ادامدار پارتيا بيلىگى قولدارىنا تيگەن سوڭ، ءبىرىنشى كەزەكتە، شامين ماقىجانوۆتى پايدالانا وتىرىپ، مەنى پارتيادان قۋىپ شىقتى»، - دەپ جازادى ا. بەكتۇرعانوۆ.
