پاريجدە «استانا بالەت» ۇجىمىنىڭ قويىلىمىن فرانسيالىقتار ۇزدىك باعالادى - فوتو
«كونگرەسس سارايىندا مەملەكەتتىك تەاتر ارتىستەرىنىڭ قويىلىمىن پاريجدىك ونەرسۇيەر قاۋىمى ۇزدىك باعالادى»، - دەپ حابارلايدى فرانسياداعى ق ر ەلشىلىگىنەن.
قۇرمەتتى قوناقتاردىڭ اراسىندا پارلامەنت مۇشەلەرى، ەليسەي سارايىنىڭ، ۇكىمەت، حالىقارالىق دامىتۋ جانە سىرتقى ىستەر مينيسترلىگىنىڭ، سونداي-اق وزگە دە ورتالىق جانە جەرگىلىكتى مەملەكەتتىك ورگانداردىڭ، ىسكەرلىك ورتالاردىڭ وكىلدەرى، مادەنيەت جانە عىلىم، سونىمەن قاتار پاريجدە اككرەديتتەلگەن ديپلوماتيالىق كورپۋس پەن حالىقارالىق ۇيىمداردىڭ قايراتكەرلەرى بولدى.
«بالەت وتە ادەمى ەكەن. بيشىلەر بىرىنەن ءبىرى اسقان، تەحنيكالارى دا جوعارى دارەجەلى»، - دەپ ءوز پىكىرىن ءبىلدىردى ليحتەنشتەين كنيازدىگىنىڭ حانشايىمى م. دە ليحتەنشتەين.
فرانسيانىڭ ەڭبەك سىڭىرگەن پروفەسسورى، اكادەميالىق پالمالارىنىڭ وردەن كاۆالەرى، قازاقستان رەسپۋبليكاسىنىڭ بەيبىتشىلىك پەن رۋحاني كەلىسىمى سىيلىعىنىڭ لاۋرەاتى، جاقىندا ءال-فارابي اتىنداعى ق ا ز ۇ ۋ-ءدىڭ التىن مەدالىنە يە بولعان البەرت فيشلەر: «قاۋىپسىزدىك پەن تۇراقتىلىقتى نىعايتۋ، جەرگىلىكتى جانە عالامدىق اۋقىمدا دامۋ جولىندا بەلسەندى ديپلوماتياسى مەن ىقىلاسىنىڭ ارقاسىندا سوڭعى جىلدارى قازاقستان الەمدىك دەڭگەيدە ءوزىن وتە جاقسى تانىتۋدا. ەلدەرىڭىزدىڭ باي مادەنيەتى ءبىزدىڭ جۇرەگىمىزدە ەرەكشە ورىن الادى. وسىنداي كوركەم كەشتى سىيلاعاندارىڭىزعا راحمەت!»، - دەپ ىزگى تىلەگىن ءبىلدىردى.
سپەكتاكل سوڭىنان قازاقستان ەلشىلىگىنىڭ ۇيىمداستىرۋىمەن وتكەن قابىلداۋدا قوناقتارعا «استانا بالەت» شىعارماشىلىق ۇجىمىمەن اڭگىمەلەسۋ مۇمكىندىگى بەرىلدى. كەش بارىسىندا قۇرمانعازى كۇيلەرىنىڭ سۇيەمەلدەۋىمەن ەلىمىزدىڭ بىرەگەي جانە الۋان ءتۇرلى تابيعاتى مەن ەلوردامىز استانانىڭ تاماشا ساۋلەتى بەينەلەنگەن بەينەبايان كورسەتىلدى.
قازاقستاننىڭ فرانسياداعى مادەني ماۋسىمى شەڭبەرىندە وتەتىن ءتۇرلى شارالار 2014-جىلدىڭ سوڭىنا دەيىن سوزىلماق.
