استانادا پاتەرلەرىن جەزوكشەلىكپەن اينالىسۋعا تاپسىرعان پاتەر يەلەرى سوت الدىندا جاۋاپقا تارتىلدى
بۇگىن، 23- قىركۇيەكتە استانا قالاسى ماماندىرىلعان اۋدانارالىق اكىمشىلىك سوتىندا اتالمىش ازاماتتار ەلوردالىق ىشكى ىستەر دەپارتامەنتىنىڭ اكىمشىلىك پوليتسيا باسقارماسىنىڭ قىزمەتكەرلەرى وتكىزىپ جاتقان «ۋچاسكە» جەدەل الدىن-الۋ شاراسى كەزىندە انىقتالدى.
پاتەرلەرىن جالعا بەرۋشىنىڭ ەكەۋى دە ءوز پاتەرلەرىنىڭ اقىلى جىنىستىق قىزمەت كورسەتۋگە پايدالانىلاتىندىعى جونىندە حاباردار بولعان. سونىمەن قاتار، ولار پاتەر عيماراتىن ۇزاق مەرزىمگە جالعا بەرگەن.
اتالمىش فاكت بويىنشا پاتەر قوجايىندارىنا قاتىستى اكىمشىلىك حاتتاما تولتىرىلىپ، سوتقا جولداندى. سوت الدىندا جاۋاپكەرشىلىككە تارتىلعان 2 ازاماتقا ق ر اكىمشىلىك قۇقىق بۇزۋشىلىق كودەكسىنىڭ 341- بابى 1- بولىمىنە سايكەس، 100 ايلىق ەسەپتىك كورسەتكىش مولشەرىندە ايىپپۇل سالىنىپ، پاتەر عيماراتىن 6 اي كولەمىندە جالعا بەرۋ قۇقىعىنان ايىرۋ جازاسى تاعايىندالدى.
