قازاقستان شەكاراشىلارى ءتورت قىلمىستىڭ بەتىن اشتى
بۇل تۋرالى Almaty.tv ءتىلشىسى ق ر ۇ ق ك ش ق باسپا ءسوز قىزمەتىنە سىلتەمە جاساي وتىرىپ حابارلايدى.
شەكارا بۇزۋشى «زاروسلىي» ارناسىنىڭ ماڭىندا بايقالدى. «ياماحا-150» موتورى ىلىنگەن ونىڭ جاساندى قايىعىن تەكسەرۋ كەزىندە ودان بەكىرە تۇقىمداس 30 داناداي بالىق تابىلدى.
اتالعان دەرەك بويىنشا قۇقىق قورعاۋ ورگاندارى حابارلاندىرىلدى. اتىراۋ وبلىستىق ىشكى ىستەر ءبولىمى قىزمەتكەرلەرىمەن بىرلەسە وتىرىپ تەرگەۋ الدى جۇمىستارى جۇرگىزىلۋدە.
«سونداي-اق، وسى كۇنى ەلىمىزدىڭ وڭتۇستىگىندەگى قورداي شەكارا وتريادىنا قاراستى «قاراسۋ» زاستاۆاسىنىڭ شەكاراشىلارى قازاق-قىرعىز شەكاراسى ماڭىندا يەسىز جاتقان، سالماعى 8 سەنتنەر بولاتىن قۇس ەتىن انىقتادى.
ناقتىراق ايتقاندا، كونترابانداشىلار اتالعان ەتتى شەكارانىڭ كەلەسى بەتىنە وتكىزۋگە دايىنداپ جاتقان بولاتىن، ال شەكارا ناريادىن كورگەن بەتتە ولار جۇكتى تەمىر كوپىردىڭ استىنا تاستاي سالىپ، وزدەرى كورشىلەس ەلدىڭ اۋماعىنا قاراي قاشىپ بارىپ جاسىرىندى.
سونىمەن قاتار، «نوۆوسيبيرسك-تاشكەنت» باعىتىنداعى پويىزبەن كەلە جاتقان 27 جاستاعى وزبەكستان ازاماتى رەستوران-ۆاگونعا جۇگىن جاسىرعانى ءۇشىن ۇستالدى. وعان قوسا، سارى اعاش شەكارا وتريادىنا قاراستى «سارى اعاش - تەمىرجول» وتكىزۋ-باقىلاۋ بەكەتىنىڭ شەكاراشىلارى ول جەردەن 6 قاپقا سالىنعان اۆتوموبيلدىڭ قوسالقى بولشەكتەرىن جانە 12 دانا تىگىن ماشيناسىن تاپتى»، - دەلىنگەن حابارلامادا.
اتالعان دەرەكتەر بويىنشا قۇقىق قورعاۋ ورگاندارى حابارلاندىرىلدى.
