كاسىپكەر ايەلدەرگە پايىزسىز نەسيە بەرىلەدى

استانا. قازاقپارات - الماتى وبلىسىندا شاعىن نەسيە الىپ، جاڭا كاسىپ باستاعىسى نەمەسە كەڭەيتكىسى كەلەتىن قىز-كەلىنشەكتەر ءۇشىن تاعى ءبىر جاڭا جوبا قولعا الىندى.

بۇل تۋرالى «جۇمىسپەن قامتۋ جول كارتاسى-2020» باعدارلاماسىن تۇسىندىرۋگە ارنالعان رەسپۋبليكالىق سەمينار-كەڭەستە بەلگىلى بولدى.

ازىرشە جوبا جاسالىپ جاتقانىمەن، قازىردىڭ وزىندە تيىمدىلىگى دالەلدەندى. وسىعان دەيىن وڭىردە 20 قىز-كەلىنشەك شاعىن نەسيە الىپ كاسىپتەرىن باستاپ ۇلگەرگەن.

ءاربىر ىسكە اسىرىلاتىن جوباعا 3 ميلليون تەڭگەدەن بەرىلەدى.

ەڭ باستىسى، نەسيەگە ەشقانداي پايىز قوسىلمايدى. جوبا الەۋمەتتىك سالا بويىنشا جۇزەگە اسادى. سوندىقتان، نەگىزگى تاپسىرىس دەنساۋلىق ساقتاۋ جانە الەۋمەتتىك دامۋ مينيسترلىگىنەن ءتۇسىپ جاتىر. ال، اقپاراتتىق-ناسيحات جۇمىسىن قازاقستاننىڭ ىسكەر ايەلدەر قاۋىمداستىعى جۇزەگە اسىرماق.

قاناتقاقتى جوبا ءۇشىن ازىرشە قوستاناي، اتىراۋ جانە الماتى وبلىستارى تاڭدالىپ الىندى. ەگەر بۇل باستاما ءوز ناتيجەسىن بەرسە، كەلەر جىلى دا جالعاسىن تابادى.

راۋشان سارسەمبايەۆا، قازاقستاننىڭ ىسكەر ايەلدەر قاۋىمداستىعىنىڭ پرەزيدەنتى:

- بىزگە ايەلدەر سەنىمدىلىك كورسەتسە دەيمىز. وسى باعدارلاما قارقىن الىپ ءجۇرىپ كەتۋى ءۇشىن شاعىن نەسيەلەر پايىزسىز بەرىلەدى. سول ءۇشىن جوبانى جاسادىق. اسىرەسە، ەشقانداي ونەركاسىپ جوق اۋىلدارداعى قىز-كەلىنشەكتەر ءۇشىن ماڭىزدى. اۋىلداعى تۇرعىنداردىڭ ءىس باستاعىسى كەلەتىنىن بىلەمىز. ءبىراق، كەپىلدىككە ەشتەڭە قويا الماي قينالادى. سول ءۇشىن اسىرەسە، جاستارعا كومەكتەسكىمىز كەرەك.

«حابار» تەلەارناسى