11:57, 23 - قىركۇيەك 2014 | GMT +5
جاپونيا پۋتيننىڭ ساپارىن نەگە كەيىنگە قالدىردى؟
استانا. قازاقپارات - جاپونيا پرەمەر-ءمينيسترى سيندزو ابە وسى كۇزگە جوسپارلانعان رەسەي پرەزيدەنتى ۆ. پۋتيندى شاقىرتۋىن كەيىنگە قالدىردى، سوندىقتان ساياساتكەردىڭ مەملەكەتتىك ساپارى 2015 - جىلعى كۇزگە نەمەسە ودان كەيىنگى مەرزىمگە شەگەرىلەدى، دەپ حابارلادى BBC.
باسىلىم دەرەكتەرىنە سۇيەنسەك، ۆاشينگتون ۋكرايندىق داعدارىسقا وراي باتىس پەن ماسكەۋ اراسىنداعى قاتىناستاردىڭ ۋشىعۋىنا بايلانىستى توكيودان پۋتيننىڭ ساپارىن كەيىنگە اۋىستىرۋدى وتىنگەن. سونىمەن بىرگە ابە مەن پۋتين قاراشادا وتەتىن اتەس سامميتىنىڭ اياسىندا كەلىسسوزدەر جۇرگىزۋگە نيەتتى.
جاپونيا تاياۋ ۋاقىتتا ە و مەن ا ق ش-تىڭ ىزىمەن رەسەيگە قارسى جاڭا سانكتسيا ەنگىزۋى مۇمكىن.
ابە 2013 - جىلعى ساۋىردە پۋتينگە جاپونياعا كەلۋىن ۇسىنعان. توعىز ايدان كەيىن رەسەيلىك س ءى م باسشىسى سەرگەي لاۆروۆ شاقىرتۋدىڭ قابىلدانعانىن راستادى.
