قۇداعيلارعا ۇكىم شىقتى

استانا. قازاقپارات - شىمكەنتتە ۇلى مەن كەلىنى ءۇشىن قۇداعيلار توبەلەسىپ قالدى.

ولارعا قاتىستى سوت ۇكىمى شىقتى.

بۇل تۋرالى NUR. KZ ايماقتىق "زامانا" گازەتىنە سىلتەمە جاساپ حابارلايدى.

ءال-فارابي اۋداندىق سوتىنا شىمكەنت قالاسىنىڭ تۇرعىنى ىسقاقوۆا ارىز تۇسىرگەن.

ول تۇركىستاندا تۇراتىن قۇداعيى سارسەنبايەۆامەن جاعا جىرتىسىپ، ءتۇرلى جاراقات العانىن ايتىپتى.

سوت-مەديتسينا ساراپتاماسىنىڭ قورىتىندىسى بويىنشا، ىسقاقوۆادان 12- كەۋدە ومىرتقاسىنىڭ جابىق تۇردە 1- دارەجەلى كومپرەسسيالىق سىنۋى، مويىن ومىرتقالارىنىڭ سوعىلۋى مەن سىڭىرلەرىنىڭ سوزىلۋى سىندى جاراقاتتار بايقالعان.

كەيىن سارسەنبايەۆا ءوزىنىڭ ۇلى مەن كەلىنى ۇرىسىپ قالىپ، كەلىنى توركىنىنە كەتىپ قالعانىن ايتتى. شىمكەنتكە قۇدالارىنىڭ الدىنان ءوتىپ، كەلىندى الىپ قايتپاق بولعان سارسەنبايەۆانى قۇداعيى ۇيگە كىرگىزبەي قويعان. داۋ-جانجال وسىلاي باستالىپ، سوڭى كەلىننىڭ اناسى ىقسانوۆانىڭ جاراقات الۋىمەن اياقتالدى.

سارسەنبايەۆا سوتتا قازىرگى كەزدە جابىرلەنۋشىدەن كەشىرىم سۇراعانىن، وعان كەلتىرگەن ماتەريالدىق جانە مورالدىق زالالدى تولىعىمەن وتەگەنىن، وزدەرىنىڭ مەدياتسيا تارتىبىمەن تاتۋلاسقاندارىن ايتتى، بولعان ىسكە وكىنەتىنىن ءبىلدىرىپ، قىلمىستىق ءىستى وندىرىستەن قىسقارتۋدى سۇرادى.

ءوز كەزەگىندە جابىرلەنۋشىنىڭ سوتقا قاتىسقان زاڭدى وكىلى دە ونى قولداپ، ەندى سارسەنبايەۆاعا قوياتىن تالاپ-تىلەكتەرى جوعىن جەتكىزدى، قىلمىستىق ءىستى قىسقارتۋدى سۇرادى.

وسىلايشا، كەلىن مەن بالا ءۇشىن توبەلەسىپ قالعان قۇداعيلار ءىسى بەيبىت تۇردە اياقتالماق - NUR. KZ.