سەنىمحاتتاردىڭ ەندى قازاق تىلىندەگى ءماتىنى بولماسا، زاڭدىق كۇشى جويىلادى

استانا. قازاقپارات - قىركۇيەكتەن باستاپ ءبىر تىلدە جاسالعان سەنىمحاتتار جارامسىز دەپ تانىلادى. مۇنداي وزگەرىس نوتاريالدىق تاجىريبەگە مەملەكەتتىك ءتىلدىڭ ەنگىزىلۋىنە بايلانىستى بولىپ وتىر. نوتاريۋستاردىڭ ايتۋىنشا، بۇل جاڭالىق سەنىمحاتتىڭ ءتورت تۇرىنە عانا قاتىستى.

اتاپ ايتساق، وعان اۆتوكولىكتى باسقارۋعا، باس سەنىمحاتتارعا، جىلجيتىن جانە جىلجىمايتىن مۇلىكتەردى ساتۋعا، سونىمەن قاتار زەينەتاقى الۋعا ارنالعان سەنىمحاتتار كىرەدى.

ەندى اتالعان قۇجاتتاردى ەكى تىلدە قازاقشا جانە ورىسشا جاساۋ كەرەك.

اتاپ وتەرلىگى، قۇجاتتاردا قازاق تىلىندەگى ءماتىنى بولماسا، زاڭدىق كۇشى جويىلادى. «ەكىنشى دارەجەلى بانكتەر، جول پوليتسياسى، حالىققا قىزمەت كورسەتۋ ورتالىقتارى بۇل وزگەرىستەن حاباردار»، - دەيدى قاراعاندى وبلىسىنىڭ نوتاريالدى پالاتاسىنىڭ جەكە نوتاريۋسى اسحات زەينەشوۆ.

ال 1 - قىركۇيەككە دەيىن نوتاريالدى تۇردە راستالعان سەنىمحاتتارعا بۇل وزگەرىس جۇرمەيدى. ولار ءوزىنىڭ جارامدىلىق مەرزىمىنە دەيىن كۇشىندە.

اقپارات كوزى: Bnews.kz