قاراشادان باستاپ قازاقستاندا اۆتوكولىكتەردىڭ ەرەكشە نومىرلەرى ساتىلا باستايدى

استانا. قازاقپارات - قازاقستاندا قاراشا ايىنان باستاپ تاڭداۋلى، ايرىقشا نومىرلەر ساتىلا باستايدى. بۇل تۋرالى بۇگىن و ك ق دە وتكەن بريفينگتە ق ر ءى ءى م اكىمشىلىك پوليتسيا كوميتەتىنىڭ ءتوراعاسى يگور لەپەحا مالىمدەدى.

«بۇدان بۇرىن ايتقانىمىزداي، اكىمشىلىك جاۋاپكەرشىلىك سالاسىنداعى جول ەرەجەسى تۋرالى زاڭ مامىر ايىندا كۇشىنە ەنىپ قويعان بولاتىن. باسقا دا ناقتى شارالار قازاننىڭ سوڭىنا دەيىن قابىلدانادى. ال شامامەن قاراشانىڭ العاشقى كۇندەرىنەن باستاپ، اتالعان نومىرلەر ساتىلىمعا شىعارىلادى»، - دەدى ي. لەپەحا.

ول سونداي-اق مۇنداي نومىرلەردىڭ باعاسىن دا ايتتى.

«باعاعا قاتىستى ەكى كاتەگوريا بار. باعا ا ە ك كە تىكەلەي بايلانىستى. ەگەر كەلەسى جىلى ا ە ك وسسە، باعا دا كوتەرىلەدى. بۇگىندە «100» ءنومىرى 237 مىڭ تەڭگەگە باعالانىپ وتىر. ال «777» ءنومىرى كەم دەگەندە 400 مىڭ تەڭگە بولادى. ياعني، قازىردەن باستاپ اقشا جيناي بەرسەڭىزدەر، قاراشادا وسىنداي قىمبات نومىرلەردى ساتىپ الاسىزدار»، - دەدى ي. لەپەحا.

اۆتور: ءابۋ-اسقار مەكەش ۇلى