جامبىل وبلىسىنىڭ مەكتەپتەرىندە قازاقستان حالىقتارىنىڭ جەتى ءتىلى وقىتىلادى

تاراز. قازاقپارات - تارازدا قازاقستان حالىقتارىنىڭ ءتىلى كۇنى تۋعان ءتىلدىڭ وقىتۋشىلارىنا قۇرمەت كورسەتىلدى، دەپ حابارلادى وبلىستىق دوستىق ۇيىندە.

«وبلىسىمىزدا وسى كۇنى كوپتەگەن تىلدەردە ساباق بەرىلەدى. ول جامبىل وبلىسىندا تۇراتىن ۇلت وكىلدەرىنىڭ تۋعان تىلدەرى - قازاق، ورىس، دۇڭگەن، وزبەك، كارىس، تۇرىك جانە ۇيعىر تىلدەرى»، - دەدى دوستىق ءۇيىنىڭ ادىستەمەلىك ءبولىمىنىڭ جەتەكشىسى ساۋلە قۇرمانقۇلوۆا.

قالالىق مادەنيەت ۇيىندە ءتىل ماماندارى - وقىتۋشىلارعا جامبىل وبلىسى بويىنشا قازاقستان حالقى اسسامبلەياسىنىڭ اتىنان العىس حاتتار مەن سىيلىقتار تابىس ەتىلدى. شاراعا قاتىسۋشىلار تۋعان تىلدە ولەڭدەر وقىپ، ۆوكالدىق شىعارمالاردى ورىندادى.

دوستىق ۇيىندە حابارلاعانداي، قازاقستان حالىقتارىنىڭ تىلدەرى كۇنىن تويلاۋعا دايىندىق بارىسىندا وڭىردە ءبىرقاتار شارالار ءوتتى.

«ءبىز وزگە ۇلت وكىلدەرىنىڭ ەتنوبىرلەستىكتەرىنىڭ 14 پەن 22 جاس ارالىعىنداعى جاستارى اراسىندا مەملەكەتتىك تىلدە ەسسە بايقاۋىن وتكىزدىك. بايقاۋعا قاتىسقان 22 ادامنىڭ ىشىندە «قازاقستان حالقىنىڭ اسسامبلەياسى - ىنتىماعى جاراسقان باقىتتى وتباسى» تاقىرىبىندا دارىندى قىزدارعا ارنالعان «ايشا ءبيبى» قازاق-تۇرىك مەكتەپ-ينتەرناتىنىڭ 9-سىنىپ وقۋشىسى، قاراشاي-بالقار ەتنوبىرلەستىگىنىڭ وكىلى زارەما ميسسيروۆانىڭ جۇمىسى ۇزدىك دەپ تانىلدى»، - دەدى س. قۇرمانقۇلوۆا.

بۇگىندە جامبىل وبلىسىندا 87 ەتنوس وكىلدەرى تۇرادى، 25 ەتنوۇيىم بار. قازاقستان حالىقتارىنىڭ ءتىلى كۇنى ەلدە 1986 - جىلدان بەرى اتالىپ كەلەدى. بۇگىنگى تاڭدا قازاقستان مەكتەپتەرىندە قازاق تىلىنەن وزگە، وسى ەلدە تۇراتىن 10 نان استام حالىقتاردىڭ تىلدەرى وقىتىلادى.