08:15, 23 - قىركۇيەك 2014 | GMT +5
امەريكالىق بيۋريەن قالاسىندا كوپتەگەن ازاماتتاردى تاڭعالدىرعان زاڭ قابىلداندى
استانا. قازاقپارات - ا ق ش-تىڭ بيۋريەن قالاسىندا كوپتەگەن ازاماتتاردى تاڭعالدىرعان زاڭ قابىلداندى.
جاڭا زاڭعا سايكەس، جاعىمسىز ءيىس شىعىپ تۇرعان ادامدارعا قوعامدىق ورىندارعا بارۋىنا تىيىم سالىنادى.
بيۋريەن بيلىگى: بۇل زاڭ جەرگىلىكتى تۇرعىنداردىڭ جايلىلىعى مەن تىنىشتىعىن ساقتاۋعا مۇمكىندىك بەرەدى، - دەيدى.
روسبالتتىڭ جازۋىنشا، جەكە تازالىقتى ساقتاماعان ازاماتتارعا ايىپپۇل سالىنباق. سونىمەن قاتار، بەيپىل سوزدەردى ايتقاندارعا قاتىستى دا ءىرى كولەمدە ايىپپۇل قاراستىرىلعان.
قۇقىق قورعاۋشىلار جاڭا زاڭعا سايكەس وزدەرىنىڭ نارازىلىعىن ءبىلدىرىپ ۇلگەردى. ولاردىڭ پايىمىنشا، بۇل قۇجات كونستيتۋتسياعا قايشى كەلەدى جانە ءۇيسىز ادامداردىڭ قۇقىعىن شەكتەيدى.
اۆتور: رۋسلان عابباسوۆ
